मदन भण्डारी स्वास्थ्य बिज्ञान प्रतिष्ठानको उपकुलपतिमा जोशी

१४ साउन, हेटौंडा । बागमती प्रदेश सरकारले मदन भण्डारी स्वास्थ्य बिज्ञान प्रतिष्ठानको उपकुलपतिमा प्राध्यापक डाक्टर बिश्वराज जोशीलाई नियुक्त गर्ने निर्णय गरेको छ ।

प्रदेशका मुख्यमन्त्री डोरमणि पौडेलको अध्यक्षतामा बसेको प्रदेशको मन्त्री परीषदको बैठकले जोशीलाई प्रदेशले स्थापना गरेको प्रतिष्ठानको ४ बर्षका लागि उपकुलपति नियुक्त गर्ने निर्णय गरेको हो ।यसअघि बीर अस्पतालमा नेशनल एकेडेमी अफ मेडिकल साईन्सको रजिस्ट्रार, बीर अस्पतालमा नै युरोलोजिष्ट प्रमुख समेत रहेका जोशीले सन् १९७४ मा एमडी र १९८३ मा डाक्टर उपाधी हासिल गरेका थिए । 

उपकुलपति नियुक्तीसंगै प्रतिष्ठान सञ्चालनका कार्यहरु अगाडि बढ्ने सरकारका प्रवक्ता आर्थिक मामिलातथा योजनामन्त्री कैलाश ढुंगेलले जानकारी दिए । यसैगरी, प्रदेश बालअधिकार समितिमा पनि सदस्यहरू नियुक्त गरिएको छ ।समितिमा झबिन्द्र ज्ञवाली, शान्ता बराल, शान्ति श्रेष्ठ, मिना थापा र लक्ष्मी ढकाल लागि मनोनित गरिएको छ ।उनीहरुको कार्यकाल ४ बर्षको हुनेछ ।यसैगरी प्रदेश युवा परिषदनियमावली २०७७ स्वीकृत गर्ने निर्णय गरेको आर्थिक मामिलातथा योजनामन्त्री कैलाशढुङ्गेलले जानकारी दिए ।यस्तै वैदेशिक सहयोग प्राप्ति र कर छुटकालागि सङ्घीय सरकारलाई सिफारिस गर्ने निर्णय गरेको छ ।