१ असार, हेटौँडा । नेपालमा लागुऔषध प्रयोगका दृष्टिकोणले मकवानपुर देशमै १० औं स्थानमा रहेको छ । गृहमन्त्रालय लागुऔषध नियन्त्रण कार्यक्रमले विहिबार हेटौँडामा गरेको अन्तरक्रियामा यस्तो तथ्यांक सार्वजनिक गरिएको हो ।
मन्त्रालयका सहसचिव केदार न्यौपानेले कार्यपत्र प्रस्तुत गर्दै लागुऔषध प्रयोगकर्ताको दृष्टिकोणले मकवानपुर देशको १० औं नम्बरमा पर्ने बताए । उनका अनुसार सबैभन्दा बढि लागुऔषध प्रयोगकर्ता राजधानी काठमाण्डौंमा छन् । काठमाण्डौंमा ४ बर्ष अघिको तथ्यांक अनुसार ३७ हजार प्रयोगकर्ता रहेका छन् । त्यसैगरी, दोस्रोमा सुनसरी, तेस्रोमा कास्की, चौथोमा मोरङ, पाँचोमा झापा, छैठौंमा रुपन्देही, सातौंमा चितवन, आठौंमा बाँके र नवौंमा पर्सा रहेको छ ।
तथ्यांक अनुसार नेपालमा अहिले करिव एक लाख लागुऔषध दुव्र्यसनी रहेको र बर्षेनी ११.३ प्रतिशतका दरले बृद्धि हुने गरेको छ । लागुऔषध प्रयोगकर्तामध्ये ५७ प्रतिशत २० देखि २४ बर्ष उमेर समूहका रहेको सहसचिव न्यौपानेले बताए ।
कार्यक्रममा मकवानपुरका प्रहरी उपरीक्षक बसन्तकुमार लामाले मकवानपुरमा ६ सय १० जना लागुऔषध सेवनकर्ता पक्राउ गरेको बताए । उनले पक्राउ परेकामध्ये १सय ५ जनालाई कारवाही गरेको, २७ जनालाई परामर्शसहित पुर्नस्थापनको लागि पठाएको र ४ सय ७८ जनालाई परामर्शसहित अभियानवको जिम्मा लगाएको बताए । लागुऔषध प्रयोगकर्तामध्ये ५० प्रतिशत साथीहरुको लहलहैमा लागेर लतमा फसेको पाइएको छ ।
उनले लागुऔषध प्रयोग र उत्पादन नियन्त्रणका लागि प्रहरीको पहुँचको व्यवस्था गरिनुपर्ने, कृषि बजारको व्यवस्था हुनुपर्ने, चेतना अभिबृद्धिका कार्यmम संचालन गरिनुपर्ने, ग्रामिण भेगमा यातायातको सुविधा हुनुपर्ने, राजनैतिक प्रतिवद्धता आवशयक, प्रहरीको नियमित उपस्थिति एवं कारवाही र आयआर्जनको अन्य विकल्पको व्यवस्था गरिनुपर्ने सुझाव दिएका छन् ।
कार्यक्रमा सहभागीहरुले मकवानपुरका गाँजा उत्पादन हुने क्षेत्रमा बैकल्पिक खेतिका लागि प्रोत्साहन गर्न पूर्वाधारको व्यवस्था गर्नुपर्ने बताएका थिए । कार्यक्रममा सांसद राजाराम स्यांतान, क्षेत्रीय प्रशासक शंकर कोइराला, प्रहरी नायव महानिरीक्षक गणेश केसी, पत्रकार प्रताप विष्ट, राक्सिराङ गाउँपालिका प्रमुख राजकुमार मल्ल, मनहरी गाउँपालिका उपप्रमुख मनिला विष्ट लगायतले मन्तव्य व्यक्त गरेका थिए । कार्यक्रममा नवनिर्वाचित मेयर, उपमेयर, गाउँपालिकाका प्रमुख, उपप्रमुख, वडाध्यक्ष, शिक्षक, सुरक्षा निकाय र प्रशासन कार्यालयका प्रतिनिधिहरुको सहभागिता रहेको थियो ।
१६ जेठ, हेटौंडा । हाल नेपालमा उपल्लो वायुमण्डलमा रहेको पश्चिमी न्यून चापीय रेखा, स्थानीय बायु तथा पश्चिमदेखि...
१५ जेठ, हेटौंडा । बागमती प्रदेश सरकारबाट प्रदेशका ४ जना पत्रकार पुरस्कृत भएका छन् । गणतन्त्र दिवसको अवसरमा...
१५ जेठ, हेटौंडा । श्रम संस्कृति पार्टीका अध्यक्ष हर्कराज साम्पाङले उज्यालो नेपाल पार्टीसँग एकताको प्रयास सुरू...
१५ जेठ, हेटौंडा । नुवाकोटमा भएको कार दुर्घटनामा एक जनाको मृत्यु भएको छ । २ जना गम्भीर घाइते भएका छन्...
१५ जेठ, हेटौंडा । राष्ट्रपति पौडेलले संविधानले परिकल्पना गरेको सामाजिक न्याय, आर्थिक समृद्धि तथा समावेशी विकास...
१५ जेठ, हेटौंडा । आज १९ औँ गणतन्त्र दिवस देशभर विभिन्न कार्यक्रम गरी मनाइँदैछ । जननिर्वाचित पहिलो संविधानसभाबाट...
१५ जेठ, हेटौंडा । अर्थमन्त्री डा. स्वर्णिम वाग्लेले आज संघीय संसद्को संयुक्त बैठकमा आगामी आर्थिक वर्षको बजेट...
१५ जेठ, हेटौंडा । हाल नेपालमा पश्चिमी वायू र स्थानीय वायू तथा नेपालको पूर्वी भू-भाग नजिक रहेको न्यून चापीय...
१४ जेठ, हेटौंडा । हाल नेपालमा पश्चिमी वायू र स्थानीय वायू तथा नेपालको पूर्वी भू-भाग नजिक रहेको न्यून चापीय...
९ जेठ, हेटौंडा । कान्तिलोकपथ अन्तरगत मकवानपुरगढी-२ शिखरकटेरीमा बसको ठक्करबाट स्कुटर चालकको मृत्यु भएको छ।...
३ जेठ, हेटौंडा । हाल नेपालमा पश्चिमी वायु र स्थानीय वायुको प्रभाव रहेको छ । हाल गण्डकी, बागमती र कोशी प्रदेशका थोरै...
५ जेठ, हेटौंडा । सशस्त्र प्रहरी बलले झापाको काँकरभिट्टाबाट करिब डेढ करोड रुपैयाँ मूल्य बराबरको अवैध सुन र २० हजार...
१२ जेठ, हेटौंडा । हेटौंडा-१ चौकीटोलमा कुटपिटबाट एक महिलाको मृत्यु भएको छ । मृत्यु हुनेमा मनहरी-३ घर भई हेटौंडा-१...
३ जेठ, हेटौंडा । नेपालले अमेरिकालाई नौ विकेटले पराजित गरेको छ । आईसीसी विश्वकप क्रिकेट लिग २ अन्तर्गत शनिबारको...
२ जेठ, हेटौंडा । हेटौंडा-६ मा रहेको शान्तिटोल टोल विकास संस्थाको चितवनको एक टोल विकास संस्थाले अवलोकन भ्रमण गरेको...
७ जेठ, हेटौंडा । स्वास्थ्य तथा खाद्य सुरक्षामन्त्री निशा मेहता र भारतका स्वास्थ्य तथा परिवार कल्याण मन्त्री जेपी...
५ जेठ, हेटौंडा । प्रतिनिधिसभाको बैठक आज पनि बस्दैछ । बैठक बिहान ११ बजे बस्ने भएको हो । बैठकमा आगामी आर्थिक वर्षको...
७ जेठ, हेटौंडा । हाल नेपालमा पश्चिमी वायू र स्थानीय वायू तथा नेपालको पूर्वी भू-भाग नजिक रहेको न्यून चापीय...


















