हेटौंडाका विद्यालयबाट आईसोलेशन र क्वारेन्टीइन हटाउने तयारी

२८ साउन, हेटौंडा । बागमती प्रदेशको राजधानी हेटौंडामा शैक्षीक संस्थामा सञ्चालन गरिएका आईसोलशसन र क्वारेन्टीन हटाईने भएको छ ।
बागमती प्रदेश कोभिड संकट व्यवस्थापन समितिले सोमबार बिद्यालयबाट आइसोलेशन र क्वारेन्टाइन हटाउन गरेको निर्णय अनुसार हेटौंडाको श्रमिक माध्यमिक बिद्यालयमा रहेको आइसोलेशनलाई हेटौंडाको केन्द्रिय खेलकुद प्रतिष्ठान (गौरीटार रंगशाला) को छात्राबासको भवनमा स्थानान्तरण गरिने तयारी भएको छ ।
तयारी स्वरुप आइसोलेशन स्थान्तरण गरिने गौरीटार रंगशालाको छात्राबासको मंगलबार प्रदेशका मुख्यमन्त्री डोरमणी पौडेल र सामाजिक विकास मन्त्री युवराज दुलालले अवलोकन समेत गरेका छन् ।
स्थानान्तरण गरिेने स्थानको अवलोकन गर्दै मुख्यमन्त्री पौडेलले विद्यालयहरुलाई छिटो भन्दा छिटो खाली गर्न निर्देशन दिए । उनले आइसोलशनको स्थानान्तरण पछि विद्यालयहरुलाई स्यानिटाइज गर्न सुझाव समेत दिए ।
यसैगरी सामाजिक विकास मन्त्री युवराज दुलालले रङगसाला परिसरमा बन्दै गरेको कभर्डहललाई समेत संक्रमित राख्न उपयोग गर्न सकिने बताए । उनले प्रदेशमा कोरोना फैलन नदिन प्रदेश सरकारले पूर्ण सहयोग गर्ने प्रतिवद्धता पनि व्यक्त गरे ।
उक्त अवसरमा हेटौंडा उपमहानगरपालिकाका मेयर हरिबहादुर महत, प्रदेशका प्रमुख सचीव डाक्टर मानबहादुर विश्वकर्मा, सामाजिक विकास मन्त्रालयका सचिव दिपक काफ्ले, चिकित्सा महाशाखा प्रमुख डाक्टर पुरुषोत्तम सेढाई, हेटौंडा अस्पतालका अध्यक्ष प्रकाश पौडेल, मेडिकल सुपरिटेन्डेन्ट डाक्टर प्रवीण श्रेष्ठ, हेटौंडा उपमहानगरपालिकाका जनस्वास्थ्य निरीक्षक भोला चौलागाईं लगायत सहभागी रहेका थिए ।