नेकपामा मूख्यमन्त्री पौडेल फेर्ने रणनीतिको चर्चा

३२ साउन, हेटौंडा ।सत्तारुढ दल नेपाल कम्युनिस्ट पार्टी (नेकपा) भित्रको विवाद सुल्झ्याउन कार्यदल गठन भएलगत्तै मन्त्रिमण्डल पुनर्गठनको भित्री तयारी भएको छ । मन्त्रीमण्डल पुर्नगठनका साथै केही मूख्यमन्त्री समेत फेरबदल गर्ने समाचार रातोपाटीले बनाएको छ ।

दुई अध्यक्षबीच शक्तिको बाँडफाँड गर्ने क्रममा ओलीले सरकार चलाउने र प्रचण्डले पार्टी चलाउने गरी पहिलो खाका बन्नेछ । त्यसपछि महाधिवेशन र मन्त्रिमण्डल पुर्नगठन तथा केही मुख्यमन्त्रीहरु फेरवदल गर्नेगरी कार्यदलले खाका तयार गर्नेछ । 

स्रोतका अनुसार २ वर्ष मन्त्री भैसकेका र राम्रो परफमेन्स देखाउन नसकेका झण्डै सातदेखि १० जना मन्त्री परिवर्तन हुने सम्भावना छ । तिनका स्थानमा भीम रावल, सुरेन्द्र पाण्डे, जनार्दन शर्मा, पम्फा भुषाल, देवेन्द्र पौडेल लगायतलाई मौका दिने गरी ओली प्रचण्डबीच लगभग सहमति भएको बुझिएको छ । नेकपा नेताहरुका अनुसार हालका मन्त्री प्रदीप ज्ञवाली, योगेश भट्टराई, घनश्याम भुषाल भने फेरवदलका क्रममा पनि रहिरहने सूचीमा पर्नेछन् । त्यस्तै बागमती प्रदेशका मुख्यमन्त्री डोरमणि पौडेल र प्रदेश ५ का शंकर पोखरेलको ठाउँमा नयाँ मुख्यमन्त्रीको खोजी हुन थालेको छ । उसो त मूख्यमन्त्री डोरमणी पौडेललाई हटाउन हस्ताक्षर संकलन भएको कुरा मूख्यमन्त्री स्वयम्ले पनि केही दिन हेटौंडाको एक कार्यक्रममा गरेका थिए । पौडेलमाथिको घेराबन्दी अघिल्लो बजेटदेखि नै शुरु भएको थियो । 

राजधानीबारेको निर्णय गर्दा यो क्रम अझ बढेको थियो भने आर्थिक बर्ष ०७७र०७८ को बजेट प्रस्तुत भएपछि हस्ताक्षर अभियान संचालन भएको नेकपा नेताहरुले नै बाहिर ल्याएका थिए । बजेट पास नहुने अवस्था आएपछि भएको संसदीय दलको बैठकमा बजेटलाई समायोजना गर्ने लगायतका सहमती भएर एक कार्यदल बनेपछि मूख्यमन्त्री पौडेलको राजिनामाको चर्चा सेलाएको थियो । आइतबार रातोपाटीले यसलाई पुनः बाहिर ल्याएको छ ।स्रोतका अनुसार आफ्नो प्रधानमन्त्रीको कुर्सी जोगाउन र विपक्षलाई समेत सहमतिमा ल्याउन मूख्यमन्त्री पौडेल र पोखरेललाई फर्न सकिने मनस्थितिमा छन् ।