रानीद्वारा जनप्रतिनिधिलाई सम्मान

१० असार, हेटौँडा । हेटौँडा–६ चौघडामा रहेको रानी सामुदायिक वन उपभोक्ता समूहले स्थानीय तहमा निर्वाचित जनप्रतिनिधिहरुलाई सम्मान गरेको छ । समूहले आफ्नो क्षेत्रभित्र पर्ने हेटौँडा वडा नम्बर ६, मकवानपुरगढी वडा नम्बर ३ र ४ का जनप्रतिनिधिहरुलाई सम्मान गरेको हो ।

कार्यक्रममा हेटौँडा वडा नम्बर ६ का अध्यक्ष अर्जुनप्रसाद चौलागाई, मकवानपुरगढी–३ का वडा अध्यक्ष भागवत घिमिरे, वडा नम्बर ४ का वडा अध्यक्ष रामप्रसाद तिमल्सिना लगायत सदस्यहरुलाई सम्मान गरेको छ । सामुदायिक वन उपभोक्ता महासंघ मकवानपुरका सचिवालय सदस्य खडानन्द चौलागाईको प्रमुख आतिथ्यता एवं समूहका अध्यक्ष विष्णुप्रसाद न्यौपानेको अध्यक्षतामा कार्यक्रम भएको हो ।

कार्यक्रममा ६ नम्बर वडा सदस्य शुभद्रा तिमल्सिना, हेटौँडा–६ वडा नागरिक मञ्चका अध्यक्ष कृष्णप्रसाद सञ्जेल, हेटौँडा इलाका वन कार्यालयका फरेष्टर यदुकुमार घिमिरे, चुच्चेखोला सामुदायिक वनका अध्यक्ष अर्जुनप्रसाद दाहाल, चित्रेपानी सामुदायिक वनका अध्यक्ष सूर्यबहादुर घलान, चौघडा सहकारीका अध्यक्ष श्यामप्रसाद श्रेष्ठ, बंशगोपाल दुग्ध उत्पादक सहकारी संस्थाका अध्यक्ष श्यामप्रसाद न्यौपाने लगायतले मन्तव्य व्यक्त गरेका थिए ।