हेटौँडा बजार विहिबारबाट ४ बजेसम्म खुल्ने

File Photo

१ असोज, हेटौँडा । हेटौँडा बजारमा विहिबारबाट अपरान्ह ४ बजेसम्म खुल्ने भएको छ । जिल्ला प्रशासन कार्यालयमा बुधबार बसेको जिल्ला कोभिड-१९ संकट व्यवस्थापन केन्द्रको बैठकले बजारलाई १ घण्टा अवधी थपेर २ समयमै खोल्ने निर्णय गरेको हो । 
निर्णय अनुसार तरकारी तथा खाद्यान्न एवं किराना पसल विहान १० बजेसम्म र अन्य पसल अपरान्ह ४ बजेसम्म खुल्ने भएको मकवानपुर उद्योग बाणिज्य संघका बरिष्ठ उपाध्यक्ष माधव न्यौपानेले जानकारी दिए । उनका अनुसार नेपाल सरकारद्वारा जारी सुरक्षाको बिधि अनिवार्य अपनाएर व्यवसाय गर्नुपर्ने निर्णय भएको छ ।
आन्तरिक तथा अन्तर जिल्ला, लामो दुरीमा चल्ने सवारी सुचारु गर्ने निर्णय भएको छ भने नीजि सवारी साधनमा लागेको जोर बिजोर प्रणाली पनि हटाईएको छ । होटल, रेष्टुरेण्ट बेलुकी भीड नहुने गरी सञ्चालन गर्न पाईने तर मदिरा सेवन कार्यलाई भने निषेध गरिएको छ । उद्योग कलकारखाना पनि ३ सिफ्टमा संचालन गर्न सकिने निर्णय जिल्ला कोभिड-१९ संकट व्यवस्थापन केन्द्रले गरेको छ ।
तर जिल्ला प्रशासन कार्यालयले औपचारिक रुपमा केन्द्रबाट भएको निर्णयबारे यो समाचार तयार पर्दासम्म सार्वजनिक सूचना जारी गरेको छैन ।