आईपीएलः केएल राहुलको शतकीय पारीमा पञ्जाबको सानदार जित

९ असोज, हेटौंडा । इण्डियन प्रिमियर लिग (आईपीएल) अन्तर्गत बिहीबार राति भएको खेलमा किंग्स ११ पञ्जाब विजयी भएको छ । 
दुबई इन्टरनेसनल क्रिकेट स्टेडियममा भएको खेलमा पञ्जाबले बेङ्गलोरमाथी ९७ रनको फराकिलो जित निकालेको हो ।
टस हारेर ब्याटिङमा उत्रिएको पञ्जाबले निर्धारित २० ओभरमा ३ विकेट गुमाउँदै २०६ रन बनाएको थियो । पञ्जाबको जितका लागी कप्तान केएल राहुलले शतकीय पारी खेले । उनले ६९ बलमा १३२ रन बनाए ।
त्यस्तै मयंक अग्रवालले २६ रन तथा निकोलस पुरनले १७ रन जोडे । अर्कोतर्फ आरसीबीका लागि शिवम दुवेले २ विकेट लिँदा युजवेन्द्र चहालले १ विकेट लिए ।
२०७ रनको ठूलो लक्ष्य पछ्याएको बेङ्लोरका ब्याट्सम्याहरु चल्न सकेनन् । बेङ्ग्लोरले १७ ओभरमा १०९ रन मात्रै बनाउँन सक्यो ।
बेङ्ग्लोरका लागि वासिङ्टन सुन्दरले सर्वाधिक ३० रन बनाउँदा एबि डी भिलियर्सले २८ तथा आरोन फिन्सले २० रन जोडे । 
त्यसबाहेकका ब्याट्सम्यानको प्रदर्शन उल्लेखनीय रहेन । कप्तान विराट कोहली समेत १ रन बनाएर आउट भएका थिए । पञ्जाबका लागि रबि बिस्नोइ र मुरुगन अश्विनले सर्वाधिक ३÷३ विकेट लिँदा सेल्डन कोट्रेलले २ विकेट तथा मोहम्मद सामी र ग्लेन म्याक्सवेलले १÷१ विकेट लिए ।
पहिलो खेलमा दिल्ली क्यापिटलसँग पराजित भएको पन्जाबले जितसँगै एक अंक बनाएको छ भने अघिल्लो खेलमा बेङ्ग्लोरले सन राइजर्स हैदराबादमाथि जित निकालेको थियो ।