संयुक्त ट्रेड युनियन बागमती प्रदेशको अन्तरक्रिया सम्पन्न

१२ असोज, हेटौंडा । संयुक्त ट्रेड युनियन समन्वय केन्द्र बागमती प्रदेश समन्वय समितिको आयोजनामा श्रम क्षेत्रमा विद्यमान समस्याका सन्दर्भमा त्रिपयीय अन्तरक्रिया कार्यक्रम भएको छ । 
कार्यक्रममा कोभिड–१९ का कारण श्रमिक तथा श्रम क्षेत्रमा पर्न गएको असर लकडाउन अबधिमा श्रमिकको पारिश्रमिक भुक्तानी र त्यसको समाधान सम्बन्धि सरकार, रोजगारदाता र ट्रेड युनियन प्रतिनिधिबिच अन्तरक्रिया कार्यक्रम भएको हो । संयुक्त ट्रेड युनियन समन्वय केन्द्र बागमती प्रदेश समन्वय समतिका संयोजक एवं नेपाल ट्रेड युनियन कांग्रेसका बागमती प्रदेश अध्यक्ष घनश्याम चापागाईको अध्यक्षतामा भएको कार्यक्रममा नेपाली कांग्रेस बागमती प्रदेश संसदीय दलका नेता इन्द्रबहादुर बानियाँको प्रमुख आतित्थ्यता रहेको थियो । 
जिफन्ट बागमती प्रदेशका सचिव अर्जुन अर्यालले सहजिकरण गरेको कार्यक्रममा बागमती प्रदेशसभाका सदस्य प्रेमबहादुर पुलामी, सन्तराम प्रजा, जिल्ला समन्वय समितिका प्रमुख रघुनाथ खुलाल, मकवानपुर उद्योग वाणिज्य संघ मकवानपुरका बरिष्ठ उपाध्यक्ष माधव न्यौपाने, उद्योग संघ मकवानपुर, श्रम कार्यलय हेटौंडाका प्रतिनिधिहरुको सहभागिता रहेको थियो । 
कार्यक्रममा जेटियुसीसी बागमती प्रदेश समन्वय समितिका संयोजक घनश्याम चापागाईले कार्यपत्र प्रस्तुत गरेका थिए । संयोजक चापागाईले प्रस्तुत गरेको कार्यपत्र माथी अखिल नेपाल ट्रेड युनियन महासंघ मकवानपुर उपाध्यक्ष रामशरण घिमिरे, नेपाल ट्रेड युनियन कांग्रेस बागमती प्रदेश उपाध्यक्ष कुमार पौडेल लगायतले टिप्पणी गरेका थिए ।