अनलाईन कक्षाका नामममा शुल्क नउठाउन विद्यार्थी संगठनको चेतावनी

१३ असोज, हेटौंडा । मकवानपुरका निजी बिद्यालय र क्याम्पसहरुले अनलाईन कक्षाका नाममा विभिन्न शीर्षकमा शुल्क उठाएको भन्दै विद्यार्थी संगठनहरुले आपत्ति जनाएका छन् ।
पठनपाठन ठप्प भएका बेला अनलाईन कक्षाका बाहनामा शुल्क उठाउनु गलत भएको भन्दै उनीहरुले संघर्षका कार्यक्रम समेत सार्वजनिक गरेका छन् । 
सोमबार हेटौंडामा पत्रकार सम्मेलन गर्दै नेपाल विद्यार्थी संघ मकवानपुरका सभापति राजु खतिवडा र अनेरास्ववियु मकवानपुरका संयोजक किसन घिसिङले सयुक्त विज्ञप्ती मार्फत संघर्षका कार्यक्रम सार्वजनिक गरेका हुन् ।
कोरोना भाइरसको संक्रमणका कारण २०७६ चैतदेखी बिद्यालयहरु बन्द रहेका छन् । पठनपाठन ठप्प भएका बेला निजी विद्यालयहरुले विभिन्न शिर्षकमा शुल्क उठाईरहेको भन्दै अनेरास्ववीयु र नेबीसंघ मकवानपुरले संघर्षका कार्यक्रम सार्वजनिक गरेका हुन् 
उनीहरुले असोज १५ गते हेटौंडा उपममहानगरपालिका शिक्षा महाशाखा घेराउ गर्ने, असोज १६ गते उपमहानगरपालिकाको गेटमा कालो पट्टी बाँधेर धर्ना दिने, असोज १८ गते शैक्षीक संस्थाको लेखा शाखामा ताला लगाउने र असोज १९ गते बुद्ध चोकमा प्रर्दशन गर्ने लगायतका कार्यक्रम तय गरेको जनाएका छन् । 
विद्यार्थी संगठनको मागलाई बेवास्ता गरेको भन्दै नेपाल विद्यार्थी संघ मकवानपुरका अध्यक्ष राजु खतिवडाले आफ्नो मागहरु पुरा नभए आम अभिभावक, विद्यार्थी सहित सडकमा उत्रने चेतावनी समेत दिएका छन् ।