काँग्रेसको वडा स्तरीय कार्यकर्ता भेला सम्पन्न

१५असार,हेटौँडा । नेपाली काँग्रेस हेटौँडा १५ नम्बर वडा ईकाई समितिको आयोजनामा वडा स्तरीय कार्यकर्ता भेला तथा धन्यवाद कार्यक्रम सम्पन्न भएको छ ।असार १५ को अवसर पारेर आज हेटौँडा १५ चुरियामाईमा आयोजना गरिएको कार्यक्रममा गत स्थानीय तह निर्वाचनमा काँग्रेसको पक्षमा मतदान गर्ने मतदाता र सहयोग गर्ने कार्यकर्ता एवं शुभेच्छुकहरुलाई धन्यवाद ज्ञापन गरिएको थियो । 
 कार्यक्रममा नेपाली काँग्रेस मकवानपुरका सभापति एवं पूर्व गृह राज्यमन्त्री    इन्द्रबहादुर बानियाँले लोकतन्त्रलाई संस्थागत र विकास काँग्रेसको नेतृत्वमामात्र सम्भव भएको र  जनताको खुशी र समृद्ध बनाउनुनै काँग्रेसको मूलमन्त्र भएको बताए ।
हेटौँडा १५ नम्बर वडामा काँग्रेसबाट निर्वाचित अध्यक्ष महारत्न लामाको अध्यक्षतामा भएको कार्यक्रममा काँग्रेस मकवानपुरका निवर्तमान सभापति रघुरमण न्यौपाने, जिल्ला उपसभापति विष्णु लामिछाने, जिल्ला प्रबक्ता प्रदीप कोइराला, सल्लाहकार रीता खनाल, काँग्रेस हेटौँडा उपमहानगर सभापति आनन्दराम पराजुली, महाधिवेशन प्रतिनिधि बमबहादुर थिङ, गोविन्द भ्लोन, गणेश ब्लोनलगायतले बोल्नु भएको थियो । स्थानीय समाजसेवी गणेश ब्लोनसहित नेकपा एमाले, माओवादी केन्द्र, राष्ट्रिय प्रजातन्त्र पार्टीलगायतका पार्टी परित्याग गरी एकसयभन्दा बढी काँग्रेसमा प्रवेश गरेका छन् भने  कार्यक्रम मार्फत असार १५ को अवसरमा दही चिउरा खुवाइएको थियो  ।