यु–१९ क्रिकेट टोलीको अभ्यास खेलमा लगातार दोस्रो जित

२२ असार,हेटौँडा । १९ वर्षमुनिको नेपाली राष्ट्रिय टोलीले विशेष प्रशिक्षण र अभ्यासका लागी भएका दुईवटा खेलमा लगातार जित निकालेको छ । प्रशिक्षणका र क्रममा का लागि भारतको नोयडामा रहेको १९ वर्षमुनिको नेपाली राष्ट्रिय क्रिकेट टोलीले अभ्यास खेलमा लगातार दोस्रो जित निकालेको हो । पहिलो खेलमा मंगलबार फ्रेन्ड्स स्पोर्टस् एकेडेमीलाई १२१ रनले हराएको नेपाली टोलीले दोस्रो खेलमा बुधबार गुरुग्राम स्पोर्टस् क्लबलाई २४९ रनको फराकिलो अन्तरले पराजित गरेको हो । गौतम बुद्ध युनिभर्सिटी क्रिकेट मैदानमा भएको दोस्रो अभ्यास खेलमा नेपालले पहिले ब्याटिङ गर्दै निर्धारित् ५० ओभरमा ९ विकेटको क्षतिमा ३३८ रन बनाएको थियो । नेपालका लागी अदिल खानले ७५, सन्दीप सुनारले ५८ तथा दीपेन्द्रसिंह ऐरीले ४८ रन बनाएको इनिङमा पवन सर्राफले २२ बलमा ४७ रनको विस्फोटक पारी खेले । नेपालले ४२ रन भने अतिरिक्तकारुपमा पाएको थियो । जवाफमा गुरुग्रामले २९ ओभर १ बल क्रिजमा टिकेर अलआउट हुँदै जम्मा ८९ रनमात्र बनाउन सक्यो । गुरुग्रमलाई सस्तैमा समेटने क्रममा अलराउन्डर पवनले ६ ओभरमा २ मेडन राख्दै १८ रन खर्चेर ४ विकेट लिए भने, विक्रमकुमार भुषाल र रोहितकुमार पौडेलले २र२ विकेट लिए । नेपाली टोली दुई सातादेखि भारतमा अभ्यास खेलसँगै प्रशिक्षणरत् रहेको छ ।