मूख्यमन्त्री डोरमणि पौडेल दम्पत्तीको स्वास्थ सुधारोन्मुख

File Photo

१३ कार्तिक, हेटौंडा । बागमती प्रदेशका मूख्यमन्त्री डोरमणि पौडेल दम्पत्तीको स्वास्थ्य अवस्था सुधारोन्मुख रहेको जनाइएको छ । 
पौडेलले सामाजिक सञ्जाल फेसबुकमा आफुहरूको स्वास्थ्य अवस्था सुधारोन्मुख रहेको जनाएका हुन् । उनले आफू र श्रीमति गंगालाल राष्ट्रिय हृदयरोग निवारण केन्द्रमा उपचाररत रहेको र चाँडै नै कारोना परास्त गरी पुनः नियमित कामकाजमा फर्कने जनाएका छन् । 
उनले लेखेका छन्-'२०७७ कार्तिक ६ गते कोरोना पोजेटिभ देखिएपछि ७ गतेबाट श्रीमति सहित म गंगालाल राष्ट्रिय हृदयरोग निवारण केन्द्रमा उपचाररत छौं। गत वर्ष गंगालालमै मैले मुटुको एन्जिओप्लाष्टि गरेको थिएँ । कोरोना संक्रमित भएर यहाँ उपचाररत रहँदा पार्टिका आदरणिय अग्रज तथा समकालिन नेतृत्व, आम कार्यकर्ता, कर्मचारी, संचारकर्मि एवम् शुभचिन्तकहरुले मेरो स्वास्थ्य अवस्थाको बारेमा चिन्ता ब्यक्त गर्नुभएको छ । उपचाररत रहँदा यहाँहरुको प्रत्यक्ष सम्पर्कमा रहन असमर्थ भएता पनि समाजिक संजाल, मोबाईल एमएमएस र विभिन्न माध्यमबाट यहाँहरुले गर्नु भएको स्वास्थ्यलाभको कामनाले हामीलाई कोरोना विरुद्धको लडाँईमा थप हौसला र उत्प्रेरणा मिलेको छ । हामी यहाँहरु सबैप्रति आभार ब्यक्त गर्न चाहान्छौं । आवश्यक सुरक्षा प्रोटोकल अपनाउँदा अपनाउदैं पनि हामी कोरोना संक्रमित भयौं । यसर्थ कोरोना महामारिको संवेदनशिलतालाई गम्भिरता साथ लिदैं समाजिक दुरी सहित अन्य स्वास्थ्य सुरक्षाका मापदण्ड कडाईका साथ पालना गर्न सम्पुर्णमा अनुरोध गर्दछु । हाल हामी दुबै जनाको अवस्था सुधारोन्मुख छ । चाँडै नै कारोना परास्त गरी म पुनः नियमित कामकाजमा फर्कने जानकारी गराउदैं उपचारमा संलग्न सम्पुर्ण स्वास्थ्यकर्मिप्रति समेत धेरैधेरै आभार ब्यक्त गर्दछौं ।'