सुचना कसैले नमागे पनि तिन तिन महिनामा स्वत सार्वजनिक गर्नुपर्छः प्रजिअ दुवाडी

२५असार,हेटौँडा । मकवानपुरका प्रमुख जिल्ला अधिकारी नारायणप्रसाद शर्मा दुवाडीले जिल्लाका सरकारी तथा सार्वजनिक निकार्यका सुचना कसैले नमागे पनि तिन तिन महिनामा स्वतः सार्वजनिक गर्नुपर्ने बताउँनुभएको छ । 

जिल्ला प्रशासन कार्यलयमा भएको सु्चनाको हक सम्बन्धि अन्र्तकृया कार्यक्रममा जिल्लाका सरकारी कार्यलयका सुचना अधिकारीहरुलाई निर्देशन दिदै प्रमुख जिल्ला अधिकारी दुवाडीले सर्वसाधरणको सरोकारका सुचना विना अबरोध सार्वजनिक गर्न निर्देशन दिनुभयो । उहाँले सरकारी कार्यलयहरुले सार्वजनिका गर्ने सुचना सर्वसाधारणले सजीलै बुझन सक्ने हुनुपर्नेमा समेत जोडदिनुभयो । सुचनाको हक पत्रकारको हकमात्रै भन्ने बुझाईबाट बाहिर निस्कन आग्रह गर्दै सर्वसाधरण जो सुकैले सार्वजनिक सरोकारको सुचना माग्न पाउँने बताउँनुभयो । कार्यक्रममा पत्रकार महासंघका हरि हुँमागाईले सार्वजनिक सरोकारका विषयहरुको सुचना दिन कुनै आपत्ति हुनुनहुनेमा जोड दिनुभयो । पत्रकार महासंघका पूर्व केन्द्रीय सदस्य प्रताप बिष्टले पत्रकारलाई मात्र नभै माग्न आउने जो कोहीलाई पनि सूचना दिनुपर्ने बताउँनुभयो । यस्तै पत्रकार महासंघ मकवानपुर उपाध्यक्ष कुमार अधिकारीले सूचना पाउनु जनताको अधिकार भएको बताउँदै सुचना केवल सामान्य जानकारी मात्र नभै सुशासन, पारदर्शिताको औजार रहेको बताउँनुभयो । कार्यक्रममा जिल्लास्थित सरकारी कार्यालयका सूचना अधिकारीहरुले सुचना सम्प्रसणमा रहेका समस्याको बारेमा अवगत गराएको थिए । यस्तै अन्तरकृयामा सहायक प्रमुख जिल्ला अधिकारी हरिप्रसाद पन्तले जिल्ला प्रशासन कार्यालयले यस आर्थीक बर्षमा गरेका कामहरुको विषयमा सहजीकरण गर्नुभएको थियो ।