ह्विल चियर र निर्व्याजी ऋण सहयोग 

२७ असार, हेटौंडा । नेपाल नेत्रहिन संघ, नेत्रहिन पुर्नस्थापना कार्यक्रम मकवानपुरले अपाङ्गता भएका व्यक्तिहरुलाई ह्विल चियर र ह्विल चियर र निर्व्याजी ऋण सहयोग ऋण प्रदान गरेको छ । आयआर्जनको स्रोतको विकासका साथैं आत्मसम्मान र परिवारको आर्थिक पक्ष बलियो बनाउने उद्येश्यले बकैंया गाउँपालिका वडा नम्बर ३ र ४ मा ह्विल चियर र निर्व्याजी ऋण प्रदान गरेको हो ।
बकैंया गाउँपालिका वडा नम्बर ३ का एकैं परिवारका उत्तर घिसिङ, ज्ञानीमाया घिसिङ र टोकबहादुर घिसिङलाई २ थान ह्विल चियर प्रदान गरिएको छ । नेत्रहिन पुर्नस्थापना कार्यक्रमका क्षेत्र निर्देशक प्रेम महर्जनले एक कार्यक्रमका बिच ह्विल चियर प्रदान गरेका थिए । संघले छतिवनका दृष्टिविहीन पदमबहादुर विश्कर्मा र बकैया गाउँपालिका वडा नम्बर ४ पाङदुेरेका राजकुमार राइलाई आयमुलक कार्यका लागि १५ हजार रुपिया निब्र्याजी ऋण पनि प्रदान गरेको फिल्ड सुपरभाईजर जीवन डल्लाकोटीले बताए ।
संघले दृष्टि विहीनलाई निर्व्याजी ऋण प्रदान गर्नुका अलावा दृष्टिविहीनलाई उपचार सहयोग, विद्यालय र क्याम्पसका विद्यार्थीलाई छात्रवृति, सङ्गठन विस्तार कार्य पनि आफूहरुले गरिरहेको क्षेत्र संयोजक महर्जनले बताए । यसअघि, हेटौंडाको बस्तीपुर, हटिया, भीमफेदी, कोगटेका गरी १३ जना दृटिविहीनलाई आयआर्जनमा सघाउ पुर्याउन १० हजार देखि २५ हजार रुपियासम्म निर्व्याजी ऋण सहयोग गरिएको संघले जनाएको छ ।
मकवानपुरमा अपाङ्गताको अवस्थाबारे ४० जना गणकले पाँच महिनामा तथ्याङ्क सङ्कलन गरेको थियो । जसमा सबै प्रकारका अपाङ्गता भएका व्यक्ति १० हजार ८ सय १ जना रहेको पत्ता लागेको थियो । यसमध्ये ४ हजार ५ सय ६ जना निको हुने दृष्टिविहीन र ७ सय ८ जना निको नहुने दृष्टिविहीन रहेको पाइएको थियो ।
गुगल तस्विर