फेकोफनको माग जायज छ: मन्त्री नेपाल

१२ मंसिर,हेटौँडा । बागमती प्रदेशका उद्योग,पर्यटन वन तथा वातावरण मन्त्री अरुण नेपालले सामुदायिक वन उपभोक्ता महासंघ(फेकोफन) बागमती प्रदेशले पेश गरेको माग जायज  भएको बताएका छन ।

महासंघ बागमती प्रदेशले बुझाएको ज्ञापनपत्र बुझदै गदै मन्त्री नेपालले सो कुरा बताएका हुन । सामुदायिक वनले बनको क्षेत्रमा गरेको कार्यको प्रशंसा गर्दै मन्त्री नेपालले अव सामुदायिक वनले आयआर्जन तर्फ आफूलाई परिवर्तन गर्नुपर्ने बताए।स्थानीय क्षेत्रको विकास निर्माण स्थानीय तहले गर्ने र सामुदायिक वनले आयआर्जन,रोजगार, उत्पादन लगायतका क्षेत्रहरुमा काम गर्नुपर्ने उल्लेख गरे।मन्त्री नेपालले नेपालको संविधानले तीन तहको सरकारको परिकल्पना गरेको बताउदै तीनै तहबिच सकारात्मक पहलको आवश्यकता रहेको कुरामा जोड दिए । 

'बागमती प्रदेशमा कागज कारखानाको आवश्यकता रहेको औल्याउदै महासंघले यसमा नेतृत्वदायी भूमिका खेल्नु पर्ने समय आएको छ-मन्त्री नेपालले भने। उनले नेपालमा दैनिक ४ सय टनको कागज आवश्यकता पर्ने र अहिले दैनिक २ सय टन मात्र कागज उत्पादन भैरहेको र यसमा सामुदायिक वन समूहलाई आवद्ध गराउनुपर्ने बताए।  

त्यसैगरी कार्यक्रममा बोल्दै  उद्योग, पर्यटन, वन तथा वातावरण मन्त्रालय बागमती प्रदेशका सचिव सिन्धु ढुङगानाले मन्त्रालय र महासंघ मिलेर काम गर्नुपर्नेमा जोड दिए । सचीव ढुङगानाले उच्चस्तरीय छानविन समितिले बुझाएको प्रतिवेदनलाई मन्त्रालयले सकारात्मक रुपमा लिएको बताए।