भुमि सम्बन्धी समस्या राष्ट्रिय समस्या: ज्ञवाली

२५ मंसिर, हेटौँडा । भुमि सम्बन्धी समस्या समाधान आयोगका अध्यक्ष देवी प्रसाद ज्ञवालीले देशभर देखिको भुमि सम्बन्धी समस्या राष्ट्रिय समस्या भएको बताएका छन्। 

भुमि सम्बन्धी समस्या समाधान आयोगले हेटौँडामा गरेको भुमि सम्बन्धी समस्या आयोग र स्थानीय तहका पदाधिकारी बीच हुने समझदारीपत्रमा हस्ताक्षर र अभिमुखीकरण कार्यक्रममा बोल्दै उनले देशभर देखिको भुमि सम्बन्धी समस्या राष्ट्रिय समस्या भएको बताएका हुन। उनले कार्यक्रममा बोल्दै किसान र भूमिहीनको समस्या समाधान नहुनु भनेको राष्ट्रिय समस्या रहेको बताउदै आयोग भुमिहीनहरुको समस्या समाधानमा लागि परेको उल्लेख गरेका छन्। 

'विगतमा देखि हाल सम्म भुमि सम्बन्धी समस्या समाधानका लागि १३ वटा आयोजना गठन भएको तर पनि समस्या समाधान नभई टडकारो अवस्थामा रहेकोले हाल भुमि सम्बन्धी ऐन-२०२१ को ८ औ सम्सोधन र नियमावलीको १८ औ सम्बोधनको क्रममा रहेको छ'।- ज्ञवालीले भने। उनले जन्ताले हातमा सेतो पुर्जा छ भन्ने गरेको तर विगतमा आयोग गठन भएपछि सेतो पुर्जा रातोमा परिणत हुन नसकेकोले आफ्नो नेतृत्वको आयोग भुमिहीनहरुलाई  रातो पुर्जा दिलाउन लागिपरेको बताए। 

भुमि सम्बन्धी समस्या समाधान आयोगको आयोजना र बागमती प्रदेश  भुमि व्यवस्थापन कृषि तथा सहकारी मन्त्रालयको समन्वय तथा व्यवस्थापनमा भएको समझदारीपत्रमा हस्ताक्षर र अभिमुखीकरण कार्यक्रममा बागमती प्रदेशका ९ जिल्लाका २८ स्थानीयतहका प्रमुख,उप-प्रमुख र प्रशासकीय अधिकृतको सहभागीता रहेको छ।