एफसी विजय युथले माघमा हेटौंडामा गोल्डकप गर्ने

९ पुस, हेटौंडा । हेटौंडाको एफसी विजय युथ क्लबको अयोजनामा विजय युथ हेटौंडा मिनि गोल्डकप फुटबल प्रतियोगिता हुने भएको छ ।
आज (बिहीबार) विहान पत्रकार सम्मेलनको आयाजना गर्दै क्लबले यहि माघ २२ गते देखि फागुन १ गतेसम्म प्रतियोगिताको आयोजना गर्ने जानकारी दिएको हो ।
हेटौंडा १० मा रहेको बन विज्ञान अध्ययन संस्थानको खेल मैदानमा हुने प्रतियोगितामा आयोजक एफसी विजय युथ क्लब सहित मकवानपुर ११, नव जनजागृती युवा क्लब सिमरा, विरगंज युथ क्लब बिरगंज, बिरगंज युनाईटेड बिरगंज, सर्लाही ११ सर्लाही, दुधौली स्पोर्टस क्लब सिन्धुली, हर्दी युवा समाज चितवन, सेन्ट्रल कलेज विएफसी चितवन र एफसी रियल काठमाडौंले सहभागीता जनाउँने क्लबका सचिव एबम कार्यक्रम संयोजक राजेश भेटवालले जानकारी दिए ।
करिब २१ लाख खर्च अनुमान गरिएको प्रतियोगिताको प्रथम हुने टिमलाई नगद ३ लाख र दोश्रो हुने टिमलाई १ लाख ५० हजार पुरस्कार प्रदान गरिने छ ।
यसैगरी प्रतियोगितामा उत्कृट गोल रक्षक, फरवार्ड, मिडफिल्डर, डिफेन्डर र कोच लाई जनही पाँच पाँच हजारको पुरस्कार प्रदान गरिने संयोजक भेटवालले बताए ।
पत्रकार सम्मेलनमा क्लबका अध्यक्ष सुदिप राजबहाक, प्रशिक्षक सुविन घिमिरे, खेलकुद विकास समितिका अध्यक्ष सानु लामा, नगर अध्यक्ष चन्द्र शाही, फुटबल संघका केन्द्रीय सदस्य राजेन्द्र श्रेष्ठ, जिल्ला अध्यक्ष टिका लामा लगायतको उपस्थिती रहेको थियो ।