नयाँ मन्त्री थपिँदा २ मन्त्री आउट,केही मन्त्रीको मन्त्रालय हेरफेर

१०पुस,हेटौँडा । प्रधानमन्त्री केपी शर्मा ओलीले शुक्रबार  साँझ मन्त्रिमण्डलमा रहेका २ मन्त्रीलाई हटाउदै र मन्त्रालय हेरफेर गर्दै रिक्त रहेको केही मन्त्रालयमा नयाँ मन्त्री नियुक्त गरेका छन्।   

प्रधानमन्त्री ओलीले पुस ५ गते  संसद भंग गरेपछि प्रचण्ड-नेपाल समुहका सात जना मन्त्रीले सामूहिक राजीनामा दिएका थिए। उक्त रिक्त रहेको मन्त्रालयमा नयाँ मन्त्री नियुक्त गरेका छन् भने वर्तमान मन्त्रीहरुको मन्त्रालय हेरफेर गरेका छन्।  

यस्तो छ हेरफेर गरिएका मन्त्री र नवनियुक्त मन्त्रीहरु सुचि

■ टोपबहादुर रायमाझी- मन्त्री उर्जा

■ मणि थापा- मन्त्री खानेपानी

■प्रभु साह- मन्त्री शहरी विकास

■प्रेम आले- मन्त्री वन 

■गणेश ठगुन्ना- मन्त्री सामान्य प्रशासन 

■गौरी शंकर चौधरी- मन्त्री श्रम

■दावा लामा- मन्त्री युवा तथा खेलकुद

■जुली कुमारी महतो- मन्त्री महिला बालबालिका

■विमला विश्वकर्मा- मन्त्री उद्योग राज्यमन्त्री

■भानुभक्त ढकाल- मन्त्री  पर्यटन

■हृदयेश त्रिपाठी- मन्त्री  स्वास्थ्य 

■लीलानाथ श्रेष्ठ- मन्त्री कानून

■शिवमाया तुम्बाहाङ्फे-मन्त्री भूमिसुधार

■पद्मा अर्याल- मन्त्री  कृषि

■ कृष्ण गोपाल श्रेष्ठ- मन्त्री शिक्षा

यसअघिका महिला बालबालिका मन्त्री रहेका  लीलानाथ श्रेष्ठलाई  कानून मन्त्रालयको जिम्मेवारी दिइएको छ भने  कानूनमन्त्री रहेकी शिवमाया तुम्बाहाङ्फे भूमिसुधार मन्त्रीको जिम्मेवारी दिइएको छ  यस अघि भूमिव्यवस्था मन्त्री रहेकी पद्मा अर्याल कृषि मन्त्री बनेकी छिन् ।त्यसैगरी शहरी विकास मन्त्रालयको जिम्मेवारी सम्हालेका कृष्ण गोपाल श्रेष्ठलाई शिक्षामन्त्री नियुक्त गरिएको छ। यसअघि स्वास्थ्यमन्त्री रहेका भानुभक्त ढकाल पर्यटन र संघीय मामिला मन्त्री रहेका हृदयेश त्रिपाठी स्वास्थ्य मन्त्री बनेका छन्।

यस अघि युवा तथा खेलकुदमन्त्री रहेका जगत विश्वकर्मा र उद्योग राज्यमन्त्री रहेका   मोती दुगडको मन्त्री पद गुमेको छ।