राजदेवी दुग्ध सहकारीको अध्यक्षमा पुनः तिमल्सिना

२० पुस, हेटौंडा । हेटौंडा-१७ मा रहेको राजदेवी दुग्ध उत्पादक सहकारी संस्था लिमिटेडको अध्यक्षमा रामप्रसाद तिमल्सिना चयन भएका छन् ।
संस्थाको २६ औं साधारणसभाले तिमल्सिनाको अध्यक्षतामा नयाँ संचालक समिति चयन गरेको हो । समितिको सदस्यहरूमा टीका कार्की, राजेन्द्र कुमार ओली, राधिका हुमागाई, डोरनाथ ढुंगाना, बुद्धिकृष्ण सापकोटा, सरस्वती रिमाल, अर्जुनकुमार घिमिरे र सरस्वती पुडासैनी न्यौपानेसहित ९ सदस्यीय समिति चयन भएको छ ।
त्यस्तै लेखा समिति संयोजकमा रमेशकुमार घिमिरे र सदस्यहरूमा भीमप्रसाद अधिकारी र निलादेवी तिमल्सिना रहेका छन् । जिल्ला संघ प्रतिनिधिमा दिव्यराज धमला चयन भएका छन् ।
जिल्ला दुग्ध उत्पादक सहकारी संघका अध्यक्ष बासुदेव अधिकारीको प्रमुख आतिथ्यता, हेटौंडा-१७ का अध्यक्ष भैरव राईको बिशेष आतिथ्यता एवं संस्थाका अध्यक्ष  रामप्रसाद तिमल्सिनाको सभाध्यक्षतामा कार्यक्रम भएको  थियो ।
कार्यक्रममा अध्यक्ष तिमल्सिनाबाट बार्षिक प्रतिवेदन, लेखा सुपरीवेक्षण समितिका संयोजक रमेशकुमार पराजुलीबाट लेखा सुपरीवेक्षण प्रतिवेदन, संयोजक टिका कार्कीबाट ऋण उपसमिति प्रतिवेदन प्रस्तुत भएका थिए ।
कार्यक्रममा हेटौंडा-१७ का सदस्य भीमप्रसाद अधिकारी, राजदेवी बचत तथा ऋण सहकारीका अध्यक्ष मधुसुदन न्यौपाने, राजदेवी मन्दिर व्यवस्थापन समितिका अध्यक्ष कृष्णप्रसाद नेपाल, उपाध्यक्ष प्रतिभा चौलागाईं लगायतले मन्तव्य व्यक्त गरेका थिए ।
टाढाबाट दूध विक्रि गर्न आउने कृषक बलराम अधिकारी, गुणस्तरीय दुग्धतर्फ टीका कार्की, विसमबहादुर कार्की, असल ऋणीतर्फ निलादेवी तिमल्सिना, दिनेशकुमार धमला, बढि दूध ल्याउने गोविन्दप्रसाद दाहाल लगायतलाई सम्मान गरिएको थियो ।
संस्थामा ३६६ जना शेयर सदस्य आवद्ध रहेका छन् ।