रुद्रेश्वर सहकारीमा पुनः दाहाल

२५ पुस, हेटौंडा । हेटौडा-५ सानोपोखरामा रहेको रुद्रेश्वर बचत तथा ऋण सहकारी संस्थाको अध्यक्षमा पुनः देवीप्रसाद दाहाल चयन भएका छन् । 
शनिवार सम्पन्न भएको संस्थाको १९ औं वाािर्षक साधारणसभाले दाहालको अध्यक्षतामा १३ सदस्यीय संचालक समिति निर्विरोध निर्वाचित गरेको हो । समितिको उपाध्यक्षमा बलराम पौडेल, सचिवमा भोलानाथ ढुङगाना र कोषाध्यक्षमा रामहरि चौलागाई चयन भएका छन । यसैगरी सदस्यहरुमा निरञ्जन कुमार श्रेष्ठ, खेमप्रसाद चौलागाँई, टिएन ढुङगेल, गोमा चौलागाँई, डकादेवी क्षेत्री, लिला गौतम, लक्ष्मी ढकाल, पूर्णकुमारी राई र मीना गौतम चयन भएका छन । 
लेखा सुपरीवेक्षण समितिको संयोजकमा मनोज सुवेदी, सदस्यहरुमा प्रेमकुमारी पौडेल र अर्जुन गौतम निर्विरोध चयन भएका छन् । हेटौडा–५ का वडा सदस्य केशव श्रेष्ठको प्रमुख आतिथ्यता एवम सहकारीका अध्यक्ष देवीप्रसाद दाहालको अध्यक्षतामा साधारणसभा भएको थियो ।
साधारणसभामा अध्यक्ष देवीप्रसाद दाहालले संस्थागत प्रतिवेदन, सचिव भोलानाथ ढुङगानाले प्रगति प्रतिवेदन, कोषाध्यक्ष रामहरि चौलागाँईले आर्थिक प्रतिवेदन, लेखा समितिका संयोजक मनोज सुवेदीले लेखा समितिको प्रतिवेदन र शिक्षा उपसमितिका संयोजक टीएन ढुङगेलले शिक्षा समितिको प्रतिवेदन प्रस्तुत गरेका थिए । 
साधारणसभामा संस्थाका संस्थापक अध्यक्ष ईश्वर प्रसाद ढकाल, मकवानपुर जिल्ला बचत तथा ऋण सहकारी संघका संचालक सदस्य रणबहादुर कार्की, संजीवनी सहकारीका संचालक सदस्य पदमबहादुर बजगाई, संस्थाका शेयर सदस्य राजेन्द्रप्रसाद गौतम, देवीप्रसाद गौतम लगायतले मन्तव्य व्यक्त गरेका थिए । 
६ सय ३९ जना शेयर सदस्य रहेको सहकारीको शेयर पूँजी ६० लाख १४ हजार, निक्षेप २ करोड ७४ लाख र ऋण लगानी २ करोड ८६ लाख रहेको कोषाध्यक्ष चौलागाईले बताए ।