संसद विघटन विरुद्धको मुद्दाको अर्को सुनुवाइ शुक्रबार

१ माघ, हेटौंडा । प्रधानमन्त्री केपी शर्मा ओलीको सिफारिसमा राष्ट्रपति विद्या भण्डारीले पुस ५ गते गरेको प्रतिनिधिसभा विघटन विरुद्धको मुद्दाको सुनुवाइ शुक्रबारसम्मको लागि स्थगित भएको छ ।
प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा सुनुवाइका क्रममा बहस नसकिएकोले शुक्रबारको लागि पेशी तोकीएको हो । विघटन विरुद्धको मुद्धामा बुधबार पनि मुल विषयमा भन्दा सुनुवाइ संवैधानिक ईजलासमा हुनेकी बृहत पूर्ण ईजलासमा पठाउने भन्नेमा केन्द्रीत रह्यो ।
सुनुवाइका क्रममा रिट निवेदकको तर्फबाट वरिष्ठ अधिवक्ता रमन श्रेष्ठ, हरिप्रसाद उप्रेती, दिनेश त्रिपाठी, हरिहर दाहाल, शम्भु थापा र कृष्णप्रसाद भण्डारीले बहस गरेका थिए । यस्तै विपक्षी बनाईएका राष्ट्रपति र प्रधानमनत्रीको तर्फबाट भने महान्यायाधिवक्ता अग्नी खरेल र वरिष्ठ अधिवक्ता शुशील पन्तले बहसले गरेका थिए ।
रिट निवेदकको तर्फबाट बहस गर्ने सबैले प्रतिनिधिसभा विघटनको मुद्दा संवैधानिक ईजलासको क्षेत्राधिकारभित्र नपर्ने भन्दै बृहत पूर्ण ईजलासको माग दोहो¥याएका छन् भने सरकारको तर्फबाट बहस गर्न आएका महान्यायाधिवक्ता अग्नी खरेलले भने प्रतिनिधिसभा विघटनको मुद्दा संवैधानिक इजलासबाटै टुङ्गो लगाउनु पर्ने तर्क गरेका छन् ।