माघ ३ गते कांग्रेस मकवानपुर स्थानिय निकायमा गर्ने विरोध प्रदर्शनको सम्पूर्ण तयारी पुरा

२ माघ, हेटौंडा । प्रधानमन्त्रीको संसद विघटन गर्ने असंवैधानिक कदम विरुद्ध भोली भाघ ३ गते मकवानपुरका सबै स्थानिय निकायमा हुने विरोध प्रदर्शन एवम विरोध सभाको तयारी पुरा भएको छ ।
केन्द्रीय कार्यक्रम अनुसार हुने विरोध प्रदर्शन र विरोध सभाको सम्पूर्ण तयारी सकिएको नेपाली कांग्रेस हेटौंडा उपमहानगर समितिका सभापति आनन्दराम पराजुलीले जानकारी दिए ।
शुक्रबार पार्टी कार्यलयमा पत्रकार सम्मेलनको आयोजना गर्दै सभापति पराजुलीले नेपाली कांग्रेसको केन्द्रीय कार्यक्रम अनुसार नै हेटौंडा उपमहानगरपालिका वडा नम्बर ४ स्थित शितल महल चोकमा १ बजे विरोध सभाको कार्यक्रम गर्न लागिएको जानकारी दिएका हुन् । सभाअघि फरेष्ट्रि क्याम्पस अगाडी भेला भएर विरोध ¥याली समेतको प्रदर्शन हुनेपनि सभापति पराजुलीले बताए । 
भेलालाई नेपाली कांग्रेसका केन्द्रीय सदस्य महालक्ष्मी उपाध्याय डिना र विघटित संसदका सदस्य प्रखर बक्ता प्रकास स्नेहीले सम्बोधन गर्ने पनि सभापति पराजुलीले जानकारी दिए ।
यस्तै प्रधानमन्त्री केपी शर्मा ओलीको असंबैधानिक कदमले लोकतन्त्रको मुल्य र मान्यतालाई प्रतिस्थापन गर्ने खतरबाट जोगाउन नेपाली कांग्रेसले लगातार विरोधका कार्यक्रम गर्दै आगएको बताउँदै सभापति पराजुलीले भोली हुने विरोध प्रदर्शन र सभामा सहभागिताका लागी आम सर्वसाधरणमा समेत अपिल गरेका छन् । 
पत्रकार सम्मेलनमा नेपाली कांग्रेस मकवानपुरका महासमिति सदस्य दिेशने उपाध्याय, नगर कोषाध्यक्ष कविन सांगामी लगाएतको उपस्थिति रहेको थियो ।
यसैविच जिल्लाको १० वटै स्थानीय तहमा गर्न लागेको विरोध प्रदर्शन तथा विरोधसभाको सम्पूर्ण तयारी सकिएको नेपाली कांग्रेस मकवानपुरका प्रवक्ता प्रदिप कोइरालाले जानकारी दिए ।
विरोध प्रदर्शन सहितको सभाको लागी नेपाली कांग्रेस मकवानपुरले यसअघिनै सम्पूर्ण १० वटै स्थानिय निकायमा प्रतिनिधि समेत तोकेको छ । प्रदर्शन तथा विरोधसभाका लागि हेटौंडा उपमहानगरपालिकामा कार्यबहाक सभापति विष्णुप्रसाद लामिछाने र थाहा नगरपालिकामा जिल्ला सल्लाहकार जयराम लामिछानेलाई जिल्ला प्रतिनिधि तोकेको छ ।
त्यसैगरी बागमती गाउँपालिकामा जिल्ला कोषाध्यक्ष गोपीलाल विश्वकर्मा, बकैया गाउँपालिकामा प्रवक्ता प्रदिप कोइराला, मकवानपुर गढी गाउँपालिकामा सहसचिव रामबाबु बानियाँ र भीमफेदी गाउँपालिकामा सल्लाहकार रिता खनाललाई जिल्ला प्रतिनिधि तोकेको छ ।
त्यस्तै ईन्द्रशरोबर गाउँपालिकामा जिल्ला सचिव बुद्ध लामा, कैलाश गाउँपालिकामा सल्लाहकार प्रभातकुमार दाहाल, राक्सीराङ गाउँपालिकामा सल्लाहकार उमा दाहाल र मनहरी गाउँपालिकामा प्रमूख सल्लाहकार माईकल रामचन्द्र अर्याललाई जिल्ला प्रतिनिधि तोकेको कांग्रेस मकवानपुरका प्रवक्ता प्रदिप कोइरालाले जानकारी दिए ।