अग्रता जोगाउन नसक्दा बार्सा पराजित, सुपर कपको उपाधि बिल्बाओलाई

५ माघ, हेटौंडा । स्पेनिस सुपर कप अन्तर्गत आइतबारराति भएको फाइनल खेलमा बार्सिलोनालाई हराउँदै एथ्लेटिक बिल्बाओले उपाधि जितेको छ । बलियो बार्सिलोनालाई ३–२ गोलअन्तरले हराउँदै बिल्बाओले उपाधि जितेको हो ।
दुई पटकसम्म पाएको अग्रता जोगाउन नसक्दा बार्सिलोनाले उपाधि जित्न सकेन । खेलको ४० औं मिनेटमा एन्टोनी ग्रिजमनको गोलमा बार्सिलोनाले अग्रता बनाएको थियो । तर् त्यस्को दुई मिनेटमै बिल्बाओका ओस्कार डी मार्कोसले गोल गर्दै खेल बराबरीमा ल्याए । पहिलो हाफमा खेल १(१ गोलको बराबरीमा रोकिएको थियो ।
यस्तै दोस्रो हाफमा फेरि ग्रिजमनले नै खेलको ७७ औं मिनेटमा गोल गर्दै बार्सालाई अग्रता दिलाएका थिए । तर ९० औं मिनेटमा बिल्बाओका एसिर भिल्लालिब्रेले गोल गर्दै आफ्नो टिमलाई बराबरीमा ल्याएपछि खेल लम्बिएको थियो ।
खेलको ९३ औं मिनेटमा बिल्बाओका लागी इनकी विलियम्सले लागि गोल गरे जुन उपाधि उचाल्नका लागि निर्णायक बन्यो । १९८५ पछि बिल्बाओले पहिलो पटक उपाधि उचालेको हो ।
खेलमा लियोनल मेस्सी रेड कार्ड खाँदै बाहिरिएका थिए । खेलको अतिरिक्त समयमा मेस्सीले फउल गरेको भिएआरबाट देखिएपछि रेफ्रीले उनलाई रेडकार्ड दिएका थिए । 
बार्सिलोनाबाट ७५३ औं खेल खेलका मेस्सीले यो पहिलो रेड कार्ड पाएका हुन् हो ।