कृषिमा वैदेशिक लगानी भित्र्याउँदा स्वदेशी लगानीकर्ता विस्थापित हुने डर

११ माघ, हेटौंडा । संसद नभएको बेला सरकारले नेपालको कृषि क्षेत्रमा विदेशी लगानी भित्र्याउन मन्त्रिपरिषदको बैठकबाट अध्यादेश ल्याएको भन्दै नेपाली लगानीकर्ताहरुले विरोध जनाएका छन् ।
सरकारले स्वदेशी लागनीलाई प्रभाव पार्ने गरी मन्त्रीपरिषदको निर्णयबाट कृषि क्षेत्रमा सर्त सहित प्रत्यक्ष वैदेशिक लगानी (एफडीआई) खुला गर्ने निर्णय गरेको उनीहरुको आराप छ । 
नेपाल डेरी एशोसिएसन नेपालको आयोजनामा आइतबार विहान पत्रकार सम्मेलनको आयोजना गर्दै सरोकारवालाहरुले कृषिमा वैदेशिक लगानी भित्रिए स्वदेशी किशान र लगानीकर्ताहरु विस्थापित हुने बताए । 
कार्यक्रममा नेपाल उद्योग बाणिज्य महासंघ कार्यसमिति सदस्य एवम कृषि पर्यटन समतिका संयोजक अरुण सुमार्गीले नेपालको कृषि क्षेत्रमा वैदेशिक लागनी खुल्ला गर्न सरकारले लिएको नितिको बिरोध गरे । उनले नेपाली लगानी कर्ताहरुलाई विस्थापित गराउँने गरी सरकारले कृषि क्षेत्रमा प्रत्यक्ष वैदेशिक लगानी खुला गर्ने गरी अध्यादेश ल्याएको भन्दै उक्त अध्यादेश सरकारले फिर्ता लिनुपर्ने बताए । 
केन्द्रीय सदस्य सुमार्गीले कृषि क्षेत्रमा वैदेशिक लगानी खुला गरिएको विषयमा कृषिमन्त्रीसँग छलपल गर्न समय लिईसकेको जानकारी दिँदै उक्त अध्यादेश फिर्ता नभए सरोकारवालाहरुको आन्दोलनमा महासंघले पनि साथदिने प्रतिवद्धता व्यक्त गरे ।
पत्रकार सम्मेलनमा बोल्दै एशोसियनका केन्द्रीय अध्यक्ष राधाकृष्ण सापकोटाले सरकाले नेपालमा कृषिमा बैदेशिक लगानी भित्राउन ल्याएको अध्यादेशले स्वदेशी लगानीकर्तालाई उद्योग बन्द गर भन्न खोजेको आरोप लगाए । 
उनले प्रतिनिधिसभाले २०७५ चैत २८ गते अध्यादेश पास नगरेको तर संसद विघटन भएपछि रातारात अध्यादेश ल्याईएको भन्दै यसरी चोरबाटोबाट अध्यादेश ल्याउनुपर्ने कारण के हो भन्दै प्रश्न गरे । उनले अध्यादेश जारी गरेको विरोधमा माघ १४ गते काठमाडौको माइतिघर मण्डलामा संघर्षको कार्यकम हुनेपनि बताए ।
पत्रकार सम्मेलनमा नेपाल डेरी एसोसिएसनका केन्द्रीय उपाध्यक्ष तथा बागमती प्रदेश अध्यक्षः राजन दाहाल, पूर्व अध्यक्ष सुमित केडिया, महासचिव प्रल्हाद दाहाल लगाएतको उपस्थिति रहेको थियो ।
सरकारले वैदेशीक लगानी खुला गर्ने निर्णय गरेसँगै डेरी उद्योग, पशुपंक्षीपालन, माहुरीपालन, माछापालन, फलफुल तरकारी आदी र कृषिका प्राथमिक उत्पादनसँग सम्बन्धित व्यवसायमा प्रत्यक्ष वैदेशिक लागनी खुला गर्ने निर्णय गरेपछि यसक्षेत्रका लगानीकर्ताहरु आन्दोलित भएका छन् ।