उपराष्ट्रपति र सभामुखले बहिष्कार गरे सपथ कार्यक्रम

२१ माघ, हेटौंडा । संवैधानिक परिषदको सिफारिसमा नियुक्त भएका पदाधिकारीहरूले पद तथा गोपनियताको सपथ ग्रहण कार्यक्रम उपराष्ट्रपति र सभामुखले बहिष्कार गरेका छन् ।
राष्ट्रपति कार्यालयमा आज बिहान आयोजित विशेष समारोहमा सभामुख अग्निप्रसाद सापकोटासहित उपराष्ट्रपति पुन पनि सहभागी भएनन् । संवैधानिक अंगका प्रमुखहरुलाई प्रधानन्यायाधीश चोलेन्द्र शमशेर जबराले सपथ ग्रहण गराएका थिए भने अन्य सदस्यहरुलाई संवैधानिक अंगका प्रमुखले सपथग्रहण गराएका थिए । 
समारोहमा प्रधानमन्त्री केपी शर्मा ओली, राष्ट्रियसभाका अध्यक्ष गणेश तिमल्सिना, उपप्रधानमन्त्री ईश्वर पोखरेल, संविधानसभाका अध्यक्ष सुवास नेम्वाङलगायत सहभागी थिए । गत मंसिर ३० गतेको संवैधानिक परिषद बैठकले अख्तियार र मानवअधिकारसहित विभिन्न संवैधानिक निकाय र आयोगहरूमा ४५ जना व्यक्तिको नियुक्तिका लाग सिफारिश गरेको थियो । 
सरकारले पुस ५ गते प्रतिनिधिसभा विघटन गरेपछि नेकपा अध्यक्षद्धय पुष्पकमल दाहाल प्रचण्ड र माधवकुमार नेपाल पक्षले विरोध जनाइरहेको छ। नेकपा मात्रै नभएर प्रमुख प्रतिपक्षी दल नेपाली कांग्रेसले पनि सरकारको विरोध जनाइरहेको छ  । 
सभामुख सापकोटाले निर्णय प्रक्रियामै असहमति जनाउँदै संसदीय सुनुवाइका लागि सरकारले पठाएको सक्कल प्रति नै फिर्ता पठाएका थिए ।