भुइँमान्छेको टोलि हेटौँडामा 

फोटोःसुनिल शिवाकोटी/प्रस्ट खबर

  सुनिल शिवाकोटी
  १५ साउन,हेटौडा । नेपाली कथानक चलचित्र भुइँमान्छेको प्रमोशन टोलि आज हेटौंडामा आइपुगेको छ । अस्पतालमा पोष्टमार्टम गर्ने मान्छेको जीवनीमा आधारित नेपाली चलचित्र भुइँमान्छेको प्रमोशन टिम चलचित्र प्रमोशनको लागी आज हेटौंडामा आइपुगेको हो ।
 हेटौँडामा पत्रकार भेटघाट कार्यक्रमको आयोजना गर्दै चलचित्रको निर्माण पक्षले  भुइँमान्छे अस्पतालमा पोष्टमार्टम गर्ने मान्छेको कथा रहेको बताउदै दैनिक लाश चिर्ने मान्छेको जीवन कस्तो हुन्छ ? उसलाई समाजले कसरी हेरेको हुन्छ ? भन्ने विषय चलचित्रको कथा बस्तु रहेको चलचित्र निर्माता रोहिणी भट्टराईले बताएका थिए । भदौ २ गतेबाट नेपालभरीका रिलिज हुने चलचित्र नवराज बुढाथोकीको लेखन र निर्देशनमा रहेको छ भने  सिपोरा गुरुङ्ग अभिनेत्रीको मूख्य भुमिकामा रहेकी छिन। चलचित्रमा रमेश बुढाथोकी , रोहिणी भट्टराई, सहिन प्रजापति, बादल भट्ट, , रामबाबु रेग्मी , आर्यान न्यौंपाने, नारायण न्यौंपाने, सानु  ताम्राकार, लगायतका कलाकारको अभिनय रहेको छ भने चलचित्रको गितमा नेपालका चर्चीत गायकहरु शिव परियार, प्रमोद खरेल, जुना प्रसाई लगायतकाले स्वर दिएका छन  ।
चलचित्र पत्रकार संघ मकवानपुरका अध्यक्ष मणिराज गौतमको सभाध्यक्षतामा सम्पन्न पत्रकार भेटघाट कार्यक्रममा चलचित्र बिकास बोर्डका सदस्य   नरेन्द्र  मर्हजन ,पत्रकार महासंघ मकवानपुरका उपाध्यक्ष कुमार अधिकारी लगायतले चलचित्रको सफल्ताको शुभकामना ब्यक्त गरेका थिए । कार्यक्रमामा  चलचित्र युनिटका साथै संचारकर्मीहरुको सहभागीता रहेको  थियो ।