संसद विघटन सदर भए मुलुक राजनितिक भुमरीमा फस्छः प्रचण्ड

google

२७ माघ, हेटौंडा । नेपाल कम्युनिष्ट पार्टी (नेकपा) प्रचण्ड–माधव समुहका अध्यक्ष पुष्पमकल दाहाल प्रचण्डले प्रतिनिधिसभा विघटन गर्ने सरकारको निर्णय बदर नभए देश ठूलो राजनीतिक भूमरिमा फस्ने चेतावनी दिएका छन् ।
नेपालबाट अन्तराष्ट्रिय संञ्चार माध्यमका लागि काम गर्दै आएका पत्रकारहरुसंग मंगलबार काठमाण्डौमा भएको भेटमा अध्यक्ष दाहालले बाहिर सुन्नमा आएजस्तै सेटिङ अनुसार नै निर्वाचन आयोग र सर्वोच्च अदालतको निर्णय आयो भने मुलुक ठूलो राजनीतिक भूमरिमा फस्ने चेतावनी दिएका हुन् । 
यद्यपी आफुहरु संविधानको अक्षर र भावना अनुसार नै न्यायलयबाट निर्णय आउने विश्वस्त रहेको उनले स्पष्ट पारे । अध्यक्ष प्रचण्डले असंबैधानिक र अलोकतान्त्रिक कदमपछि भएको निर्वाचन पनि अलोकतान्त्रिक र असंबैधानिक हुने दावी गरे ।
उनले प्रधानमन्त्री ओली आफैले प्रतिगमन गरेर आफै प्रतिगमनका विरुद्ध सभा आयोजना गर्नु आश्र्यजनक रहेको टिप्पणी गर्दै सरकारको संविधान विरोधी कदम विरुद्ध आफूहरु संघर्षमा लाग्नु स्वभाविक भएपनि सरकार नै सभा गरेर तेश्रो जनआन्दोलन सुरुभयो भन्नु लोकतन्त्र माथीको उपहास भएको बताए ।
प्रधानमन्त्रीले निरंकुश ढंगले आफ्नो शासन अवधी लम्ब्याउन खोजे पनि त्यो पुरा नहुने प्रचण्डले दावी गरे ।