चालु आर्थिक वर्षको बजेटको आकार घट्यो

२८ माघ, हेटौंडा । अर्थमन्त्रालयले चालु आर्थिक वर्षको ६ महिनाको अर्धवार्षिक समिक्षा गर्दै चालु आर्थिक वर्षको बजेटको आकार घटाएको छ ।
अर्धवार्षिक समिक्षा गर्दै मन्त्रालयले यस वर्षको बजेटको आकार १३ खर्ब ४४ अर्ब ६८ करोड रहने प्रक्षेपण गरेको छ । यो कुल विनियोजीत बजेट भन्दा १ खर्ब ३० अर्बले कम हो ।
चालु आर्थिक वर्षका लागि सरकारले कुल १४ खर्ब ७४ अर्ब ६४ करोड बजेट विनियोजन गरेको थियो तर कोभिड लगायतका कारणले खर्च हुन नसकेको भन्दै अर्थ मन्त्रालयले खर्चको आकार घटाएको हो । सरकारले यस वर्ष सबैभन्दा धेरै पुँजीगत खर्च २० प्रतिशतले घटाएको छ ।
चालु आर्थिक वर्षको चालु तर्फ ९ खर्ब १४ अर्ब अर्थात विनियोजित बजेटको ४ प्रतिशत मात्रै घटाउँदा पुँजीगत खर्च २ खर्ब ८३ अर्ब मात्रै अर्थात २० प्रतिशत कम खर्च हुने प्रक्षेपण गरिएको छ । यो कुल विनियोजित बजेटको ८०.२ प्रतिशत हो ।
यस्तै वित्तिय व्यवस्था तर्फ १ खर्ब ४६ अर्ब ८६ करोड बजेट पु¥याईएको छ । वित्तिय व्यवस्था तर्फको खर्चमा भने १५ प्रतिशत घटाईएको छ ।
अर्थमन्त्रालयले यस वर्षको अन्त्य सम्ममा आर्थिक वृद्धिद्धर औसत रहने प्रक्षेपण गरेको छ । अर्थसचिव शिशिर ढुङगानाले चालु आर्थिक वर्षको ६ महिनामा राजस्वमा चाप परेको भएपनि आर्थिक क्रियाकलापमा सुधार भएसँगै राजस्व संकलनमा सुधार आएको बताएका छन् ।