नेकपा प्रचण्ड माधव पक्षकी नेतृ झाँक्रीले दिइन् गिरफ्तारी

२९ माघ, हेटौंडा । नेकपाका नेतृ रामकुमारी झाँक्रीले प्रहरीलाई गिरफ्तारी दिएकी छिन् । उनले आफै गिरफ्तारी दिएकी हुन् । प्रहरीले राज्यविरुद्धको कसुरअन्तर्गत दफा ५८ अनुसार उनलाई पक्राउ पुर्जी थमाएको थियो ।
झाँक्रीलाई सोधपुछका लागि बिहीबार प्रहरी घरमा पुगेपछि उनले पक्राउ पुर्जी मागेकी थिइन् । प्रहरीले भर्खरै पक्राउ पुर्जी लिएर झाँक्रीको घरमा पुगेको हो । 
 

राज्यविरुद्धका कसूर अन्तर्गत दफा ५८मा के छ ?
राज्यविरुद्धका कसूर अन्तर्गत दफा ५८ मा राष्ट्रपति वा संसदलाई धम्की दिन नहुनेः उल्ल्ख छ । दफा ५८ को उपदफा ज्ञ बमोजिम कसूर गर्ने वा गराउने व्यक्तिलाई सात वर्षसम्म कैद वा सत्तरी हजार रुपैयाँँसम्म जरिबाना वा दुवै सजाय हुने व्यवस्था छ । 
५८. राष्ट्रपति वा संसदलाई धम्की दिन नहुनेः
(१) कसैले नेपालको राष्ट्रपति वा संसदलाई संविधान तथा कानून बमोजिम गर्नु पर्ने कार्य सम्पादन गर्नबाट रोक लगाउन वा बञ्चित गर्न वा कुनै खास तरिकाबाट कार्य सम्पादन गर्न वाध्य गराउन कुनै किसिमको बल प्रयोग गरी वा नगरी कुनै किसिमको धम्की दिन, डर वा त्रास देखाउन वा अन्य कुनै किसिमले दबाव दिन हुँदैन ।
(२) उपदफा (१) बमोजिमको कसूर गर्ने वा गराउने व्यक्तिलाई सात वर्षसम्म कैद वा सत्तरी हजार रुपैयाँँसम्म जरिबाना वा दुवै सजाय हुनेछ ।
स्पष्टीकरणः यस दफाको प्रयोजनको लागि “संसद” भन्नाले नेपालको संविधान बमोजिमको सङ्घीय संसद र प्रदेश सभा सम्झनु पर्छ र सो शब्दले व्यवस्थापिका–संसदलाई समेत जनाउँछ ।