फागुन ७ ले संसद विघटन विरुद्धको आन्दोलनमा बिशेष उर्जा प्रदान गर्ने सभापति देउवाको विश्वास

google

७ फागुन, हेटौंडा । नेपाली काँग्रेसका सभापति शेरबहादुर देउवाले ७१ औं प्रजातन्त्र दिवसको अवसरमा शुभकामना सन्देश जारी गर्दै समस्त नेपाली दिदिबहिनी दाजुभाइमा हार्दिक शुभकामना व्यक्त गरेका छन् ।
सभापति देउवाले फागुन ७ गतेलाई नेपाली काँग्रेसको नेतृत्वमा नेपालको आधुनिक इतिहास प्रारम्भ भएको गौरवमय दिनका अवसरमा स्मरण गर्दै सन्देशमा ७० वर्ष अघि २००७ को कात्र्तिक २६ देखि प्रारम्भ ऐतिहासिक जन–क्रान्तिले आजकै दिन १०४ वर्षको एकतन्त्रीय निरंकुश राणा शासनलाई समाप्त पारेर देशमा प्रजातन्त्रको स्थापना गरेको उल्लेख गरेका छन् ।
शुभकामना सन्देशमा सभापति देउवाले फागुन ७ ले राजनैतिक परिवर्तन मात्र नभई आर्थिक, सामाजिक, सांस्कृतिक, शैक्षिक हरेक क्षेत्रमा यसले अग्रगामी परिवर्तनको मार्ग प्रसस्त गरेको र मध्ययुगीन सामन्ती अवस्थाबाट नयाँ युगमा नेपाल प्रवेश गरेको स्मरण गराएका छन् ।
उनले समृद्धिको सपना, समावेशीताको जग, राष्ट्रियता र प्रजातंन्त्रको अन्योन्याश्रीत सम्बन्ध हुँदै ०४६ को परिवर्तन र ०६२÷६३ को आन्दोलन मार्फत संघीयता र गणतन्त्र सम्मको यात्राको जननी फागुन ७ को क्रान्ति नै भएको जिकिर गरेका छन् । 
उनले सन्देश मार्फत फागनु ७ गतेको ऐतिहासिक घडी संभव तुल्याउने सहिदहरु एवं जननायक वीपी कोइराला लगायत अग्रज नेतृत्वप्रति उच्च श्रद्धा र सम्मान ब्यक्त गर्दै संसद विघटन विरुद्धको आन्दोलनमा फागुन ७ को मितिले सबैलाई बिशेष उर्जा प्रदान गर्ने विश्वास व्यक्त गरेका छन् ।