हेटौंडा मेयर कपमा वडा नम्बर ६ र १३ क्वाटरफाइनलमा

google

१९ फागुन, हेटौंडा । हेटौंडामा सञ्चालन भैरहेको मेयर कप फुटबल प्रतियोगितामा हेटौंडाको ६ र १३ नम्बर वडाले क्वाटरफाइनलमा स्थान बनाएको छ । मंगलबार भएको खेलबाट जित निकाल्दै ६ र १३ ले क्वाटरफाइनलमा स्थान पक्का गरेको हो । 
वडा नम्बर ६ ले १४ नम्बर वडालाई १–० गोल अन्तरले हराएको हो ।
खेलको ३६ औं मिनेटमा आलोक स्याङ्तानले गरेको गोल नै ६ नम्बरको लागि निर्णायक बन्यो । खेलमा १४ नम्बर वडाका सन्दिप गोले म्यान अफ द म्याच बने । 
यस्तै ९ नम्बर वडासंग २–० ले पछि परेको अवस्थामा उत्कृष्ट कमब्याक गर्दै १३ नम्बर वडाले क्वाटरफाइनलमा स्थान बनाएको छ । ९ नम्बरले १९ औं अमिर श्रेष्ठको पेनाल्टी गोल मार्फत खेलमा अग्रता लिएको थियो । 
२३ औं मिनेटमा आशिष लामाले अग्रता दोब्बर बनाए । १३ नम्बरका लागि रबि थिङले २३ औं मिनेटमा गोल गर्दै अग्रता घटाएका थिए । त्यसको ५ मिनेटपछि सुवास रुम्बाले गोल गर्दै खेललाई २÷२ को बराबरीमा ल्याए । बाँकी समय दुवै वडाले गोल गर्न नसक्दा खेल टाइब्रेकरमा पुगेको थियो । 
टाइब्रेकरमा ९ नम्बर वडाका कृतिराज प्रजापतिको प्रहार १३ नम्बर वडाका गोलरक्षकले रोकेपछि निर्णय १३ नम्बरको पक्षमा गएको हो । खेलमा ९ नम्बर वडाका कप्तान अमिर श्रेष्ठ म्यान अफ द म्याच भए । 
जारी प्रतियोगितामा बुधबार १० र ४ नम्बर वडाको बीचमा पहिलो खेल हुनेछ भने दोस्रो खेलमा १८ र १५  नम्बर वडा खेल्नेछन् ।