सुमार्गीका कारण पत्रकारले गरे पत्रकार सम्मेलन नै बहिष्कार

२८ फागुन, हेटौंडा । नेपाल उद्योग वाणिज्य महासंघका केन्द्रीय सदस्य अरुणराज सुमार्गीले पत्रकारहरुलाई अशिष्ट शैलीमा अभिव्यक्ति दिएको भन्दै मकवानपुरका पत्रकारहरुले पत्रकार सम्मेलन नै बहिष्कार गरेका छन् ।
मकवानपुर उद्योग वाणिज्य संघको अध्यक्षका उम्मेदवार कृष्ण अग्रवालले आयोजना गरेको पत्रकार सम्मेलनम सुमार्गीले पत्रकारहरुलाई अशिष्ट शैलीमा अभिव्यक्ति दिएपछि मकवानपुरका पत्रकारहरुले सम्मेलन बहिष्कार गरेका हुन् ।
अध्यक्षका उम्मेदवार अग्रवाल र संघका अध्यक्ष कृष्ण कटुवालले सभ्य शैलीमा आफ्ना कुरा राखेपछि मन्तब्यका लागि आएका सुमार्गीले बोलीरहँदा पत्रकारहरु धैर्यता पूर्वक सुनीरहेका थिए ।
पत्रकारहरुलाई अशीष्ट शैलीमै अभिब्यक्ति दिनथालेपछि अग्रज पत्रकार र पत्रकार महासंघका अध्यक्षले नै उद्देश्य बाहीर गएर जथाभावी अभिब्यक्ति नदिन आग्रह गरेका थए । तर पत्रकारहरुको आग्रह विपरित सुमार्गी बोलीरहेपछि कार्यक्रम स्थलबाटै पत्रकारहरु बाहीरिएका थिए ।
उनले पत्रकारले विभिन्न समयमा लेखेका समाचार प्रती लक्षित भएर अभिव्यक्ति दिएका थिए । हेटौंडा बजार क्षेत्रमा पर्ने राजमार्गको २५/२५ मिटर बिस्तार, हेटौंडा १ देखि हेटौंडा १५ रातोमाटेसम्म निर्माण गरिएको बाईपास रोड लगाएतको समाचारमा पत्रकार पुर्बाग्रही भएको आरोप लगाएका थिए ।
पूर्व अध्यक्ष समेत रहेका सुमार्गीले उम्मेदवार कृष्ण अग्रवाललाई समर्थन गर्न बोलीरहँदा उनले उम्मेदवार अग्रवाललाई समेत शुद्दीकरण गरेर उम्मेदवार बनाएको भन्दै आफैले समर्थन गरेको उम्मेदवारको अपमान गरेका थिए ।

यसअघि अध्यक्ष पदका आकांक्षी कृष्णकुमार गुप्ता अग्रवालले उम्मेदवारी घोषणा गर्दै उद्योगी व्यवसायीलाई परेको समस्या समाधान गर्न लागिपर्ने प्रतिबद्धता व्यक्त गरेका थिए । उनले आफुलाई मकवानपुर उद्योग वाणिज्य संघको वर्तमान कार्यसमिति र पूर्व अध्यक्षहरुको साथ रहेको बताएका छन् । 
यही चैत्र २१ देखि २३ गतेसम्म हेटौंडामा मकवानपुर उद्योग वाणिज्य संघको ५४ औं साधारणसभा तथा अधिवेशन हुँदैछ । अग्रवालले केही दिनमा नै प्यानलसहित पत्रकार सम्मेलन गर्ने जानकारी दिएका छन् । पत्रकार सम्मेलनमा संघका अध्यक्ष कृष्ण कटुवालले वर्तमान कार्यसमितिमा रहेका २० जना उद्योगी व्यवसायीको समर्थन अग्रवाललाई रहेको जानकारी दिए । 
अग्रवालको टिमबाट वाणिज्यतर्फ काव्यमणी अधिकारी, रबि कडेल शर्मा, कुलप्रसाद चौलागाइँ, विकेशलाल श्रेष्ठ, धर्मराज बानियाँसहित अन्य केही उम्मेदवार हुनसक्ने उनले बताए । यस्तै महिलातर्फ निलम बैद्य, निलम पान्डे, राधिका सामरी र पश्चिम क्षेत्रतर्फ कृष्णहरी बर्तौलाको उम्मेदवारी रहने बताइएको छ । 
यस्तै उद्योगतर्फ रुपकराज दाहाल, श्रीकृष्ण कर्माचार्य, प्रमोदसिँह रानाभाट, सन्तोष अर्याल लगायतको उम्मेदवारी रहने जानकारी दिइएको छ । यस्तै वस्तुगतमा सुनिल अधिकारी, पुष्पराज पुडासैनी, एशोसियटमा बिष्णु खनाल, दीपक उप्रेतीलगायतको उम्मेदवारी हुने अध्यक्ष कटुवालले जानकारी दिए ।