क्लासिकटेकको फास्ट इन्टरनेट सेवा अब विर्तामोड र दमकमा

६ चैत, काठमाडौं । नेपालको अग्रणी र ठूलो नेटवर्क भएको इन्टरनेट सेवा प्रदायक कम्पनी क्लासिकटेकले आफ्नो १०२ र १०३ औंं आउटलेट झापाका प्रमुख बजारहरु बिर्तामोड र दमकमा संचालनमा ल्याएको छ । 
कम्पनीले प्रदेश नम्बर १ का ग्राहकहरुलाई प्रत्यक्ष र सहज रुपमा सेवा उपलब्ध गराउने उद्धेश्यले आफ्नो नयाँ आउटलेट विर्तामोड र दमकमा संचालनमा ल्याएको जनाएको हो। नयाँ आउटलेट क्लासिकटेकले बिर्तामोडको धनसुर्य कम्प्लेक्स शनिश्चरेरोडमा र दमकको मंगलदिप मार्केटको दोस्रो तल्लामा स्थापना गरेको छ ।
क्लासिकटेकका प्रमुख सेल्स एण्ड मार्केटिङ अफिसर बिनयकुमार अधिकारी र कम्पनीका फाइबर प्रमुख चम्पक खड्काले संयुक्त रुपमा दुवै नयाँआउटलेट उद्घाटन गरेका थिए । नयाँआउटलेटहरुबाट कम्पनीले पूर्वी भेगका हरेक साना गाउँहरुमा आफ्नो नेटवर्क र सेवा बिस्तार गर्ने योजना लिएको छ । तिब्ररुपमा ग्राहकहरुलाई सेवा उपलब्ध गराउन यी आउटलेटमा कस्टमर सपोर्ट, फाइबर स्टाफ, बिलिङ र मार्केटिङका लागि  ४५ जना कर्मचारीहरु राखिएको छ ।
कम्पनीले धमाकेदार अफरअन्तरगत २० एमबिपिएस स्पीडको इन्टरनेट ७९९ प्रति महिनामा उपलब्ध गराउँदै आएको छ जसका साथमा १५० टिभीच्यानलहरु र युट्यूबसमेत हेर्न सकिने सुबिधा रहेको छ ।