राप्रपा फेरी फुट्यो

२२ साउन, हेटौँडा । एकीकरणको एक वर्ष पनि नपुग्दै राष्ट्रिय प्रजातन्त्र पार्टी राप्रपा दोश्रो पटक पुनः फुटेको छ । राप्रपाका बरिष्ठ नेता पशुपतिशम्शेर राणाले निर्वाचन आयोगमा नयाँ दल दर्ताका लागि निवेदन दिनुभएको छ । राणाले दल दर्ताका लागि निवेदन दिएको पार्टीका नाम राष्ट्रिय प्रजातन्त्र पार्टी प्रजातान्त्रिक राखिएको छ ।
राणा पक्षले आफूहरुको पक्षमा २२ सांसद तथा ७२ केन्द्रीय सदस्य रहेको दावी गरेको छ । राणाको पक्षमा तीनै जना निर्वाचित सांसद सुनिल थापा, दिपक बोहोरा र विक्रम पाण्डे रहेका छन् ।
राप्रपाले महाधिवेशन सम्पन्न गरे देखिनै अध्यक्षमा निर्वाचित भएका कमल थापाले एकलौटी ढंगले पार्टी सञ्चालन गरेको भन्दै राणासहितका नेताहरु असन्तुष्ट रहेका थिए । यसअघि अध्यक्षमा थापासित पराजीत प्रकाशचन्द्र लोहनीले यसअघि नै राप्रपा परित्याग गरेर नयाँ दल खोलेका थिए ।                                            राणाको पक्षमा परेका सांसदको सूची
दिपक बोहोरा –रुपन्देही २
विक्रम पाण्डे– चितवन ५
सुनील बहादुर थापा –धनकुटा २
रेशम बहादुर लामा–काभ्रेपलाञ्चोक  
वविना मोक्तान लावती–पाँचथर
रमेशकुमार लामा–सिन्धुपाल्चोक
परशुराम तामाङ–धादिङ
राज्यलक्ष्मी श्रेष्ठ (नुवाकोट)–नुवाकोट
लक्ष्मी थापा पासमान– धनुषा
राजेश्वरीदेवी साह–सर्लाही
रामकुमार सुब्बा–सुनसरी
आनन्दी पन्त–कञ्चनपुर
इश्तियाकअहमद खान– रुपन्देही
गीता सिंह –बाँके
सरोज शर्मा–काठमाडौं
सीता लुइँटेल(ज्ञवाली)–काठमाडौं
लीला देवी श्रेष्ठ –इलाम
कमला देवी शर्मा –कास्की