अब सवारीको ५ बर्षका लागि एकैपटक कर लिने व्यवस्था गरिनुपर्छ: नेता बानियाँ

७ चैत्र,हेटौंडा । नेपाली कांग्रेस बागमती प्रदेश संसदीय दलका नेता ईन्द्रबहादुर बानियाँले यातायात व्यवसायीसँग करको नाममा खटाएर विभिन्न शीर्षकमा महिना महिनामा  कर उठाउनु भन्दा एकमुस्ट ५ बर्षका लागि कर लिने व्यवस्था गरिनुपर्ने बताएका छन।  

शनिबार बिहान नारायणी यातायात व्यवसायी कम्पनीको दोस्रो र नारायणी संघ हेटौंडाको तेस्रो बार्षिक साधारण सभालाई सम्बोधनका क्रममा नेता बानियाँले यातायात व्यवसायीसँग विभिन्न शीर्षकमा महिना।महिना दिनमा कर लिनु भन्दा एकैपटक के के कर लाग्छ लिनुपर्ने बताएका हुन। 

उनले एक मुस्ट कर लिदा देशलाई राजश्व पनि एकपटक उठ्ने र उक्त राजश्व खर्च गर्न पनि सजिलो हुने भन्दै काँग्रेसको सरकार आए आफुले त्यो किसिमको व्यवस्था गर्ने ठोकुवा गरेका छन।

"ओली नेतृत्वको सरकारले कोहीपनि  व्यवसायी वा जनताको कुरा नबुझने र कुरा नबुझ्ने यस सरकारबाट लाभ हासिल होला भनेर कसरी विश्वास गर्ने"-नेता बानियाँले भने।उनले पछिल्लो यस अघि काँग्रेसले बाटो बिराएको तर काँग्रेसले बुझिसकेको  काँग्रेस सरकारमा गए जनतालाई राहतको   काम गर्ने बताए। 

बानियाँ भन्छन उद्योगको सामान ओसारपसार गर्ने यातायात देशको एउटा उद्योग भएको सहुलियत ऋण उपलब्ध गराउन सके मात्र यातायात व्यवसायीले राहत पाउछन।