कर्णाली प्रदेशका मुख्यमन्त्री शाहीलाई विश्वासको मत लिन प्रदेश प्रमुखको पत्र

google

१८ चैत, हेटौंडा । नेकपा एमालेले समर्थन फिर्ता लिएसँगै कर्णाली प्रदेशका मुख्यमन्त्री महेन्द्रबहादुर शाहीले अबको ३० दिन भित्र विश्वासको मत लिनुपर्ने भएको छ ।
नेकपा माओवादी केन्द्रका तर्फबाट मुख्यमन्त्री बनेका शाहीलाई दिएको विश्वास नेकपा एमालेले फिर्ता लिएपछि उनले विश्वासको मत लिनुपर्ने भएको हो ।
नेकपा एमालेको ओली समूहले मुख्यमन्त्री शाहीलाई दिएको समर्थन यही चैत ४ गते फिर्ता लिइएको थियो भने माधव नेपाल समूहले समर्थन जारी राखेको थियो ।  तर पछिल्लो समय एमालेको खनाल नेपाल समूहले पनि विश्वासको मत फिर्ता लिन सहमति जनाएको बताइएको छ ।
प्रदेश प्रमुखको कार्यालयले त्यसको भोलिपल्ट चैत ५ मा पत्र पठाउँदै मुख्यमन्त्री शाहीलाई विश्वासको मत लिन भनेको थियो । संविधानको धारा १८८ को २ अनुसार सरकारमा रहेको दल विभानजन भए वा समर्थन गरेको दलले समर्थन फिर्ता लिएमा त्यसको ३० दिनभित्र मुख्यमन्त्रीले विश्वासको मतका लागि प्रदेश सभामा प्रस्ताव गर्नुपर्ने व्यवस्था छ ।
प्रदेश प्रमुखले १२ दिनपछि पुनः मुख्यमन्त्रीलाई पत्र पठाएर विश्वासको मत लिन ध्यानाकर्षण गराएपछि नेपाल समूहका सांसदले पनि समर्थन फिर्ता लिएको अनुमान गरीएको छ । कर्णालीमा सरकार बनाउन २१ जना सांसद चाहिनेमा नेकपा एमालेका २०,  माओवादीका १३, नेपाली कांग्रेसका ६ र राप्रपाका एक सांसद रहेका छन् ।