सामुदायिक वन दिवसमा फेकोफनको कार्यक्रम

भीमसेन पौडेल
२५ साउन, हेटौँडा । सरकारले श्रावण २५ गतेलाई सामुदायिक वन दिवस मनाउने घोषणा गरे बमोजिम मकवानपुरमा पनि विभिन्न कार्यक्रमको आयोजना गरी मनाईएको छ । सामुदायिक वन उपभोक्ता महासंघ, मकवानपुर, जिल्ला वन कार्यालय, जिल्ला भू–संरक्षण कार्यालय र जिल्ला वनस्पति कार्यालयले संयुक्त आयोजनामा दिवस मनाईएको हो ।
सामुदायिक वनको पहिचान राष्ट्रिय समृद्विको अभियान भन्ने नाराका साथ मनाईएको कार्यक्रममा मकवानपुरमा पहिलो हस्तान्तरीत चुच्चेखोला सामुदायिक वन उपभोक्ता समूहलाई सम्मानित गरिएको थियो । यसैगरी जिल्ला वन कार्यालय मकवानपुरले आव ०७२÷०७३ मा विभिन्न विधामा  उत्कृष्ठ घोषित गरेका सामुदायिक वन, कवुलियती वन र निजि वनहरुलाई प्रमाण पत्र वितरण गरिएको थियो ।
सामुदायिक वन तर्फ न्यूरेनी चिसापानी सामुदायिक वन हेटौडा ७ नमोवुद्व सामुदायिक वन फापरवारी र हरियाली सामुदायिक वन मनहरी क्रमश प्रथम, द्वितीय र तृतिय भएका थिए । यसैगरी कवुलियती वनतर्फ त्रिभुवन राजपथ कमेरोडाँडा कवुलियती वन, रुथुमभेक कवुलियती वन, महिला हरियाली कवुलियती वन क्रमश प्रथम द्वितीय र तृतिय भएका थिए । प्रतियोगितामा वन्यजन्तु तर्फ सिमपानी देवकोट संयुक्त सामुदायिक वन, चुरेकाँड सामुदायिक वन र पञ्चकन्या सामुदायिक वनले क्रमश प्रथम द्वितीय र तृतिय पुरस्कार प्राप्त गरेका छन । 
राष्ट्रपति चुरे कार्यक्रम तर्फ नवलपुर सरस्वती बसामाडी सामुदायिक वन हेटौडा ११, पञ्चकन्या सामुदायिक वन हेटौडा २५ र ज्योति सामुदायिक वन हेटौडा २४ क्रमश प्रथम द्वितीय तृतिय पुरस्कार पाएका छन भने निजी वन तर्फ हेटौडा ६ का यादवप्रसाद उप्रेती, आमभन्ज्याङ्गका लालबहादुर बजगाई, हेटौडा ११ का केदारनाथ बजगाई क्रमश प्रथम द्वितीय र तृतिय भएका छन ।
सांसद अनन्त पौडेलको प्रमुख आतिथ्यता एवम महासंघ मकवानपुरकी अध्यक्ष पञ्चमाया स्याङ्गतानको सभाध्यक्षतामा भएको कार्यक्रममा महासंघका पूर्वअध्यक्ष पुष्पराज पराजुली,  मध्यमान्चल क्षेत्रीय वन कार्यालयका सूचना अधिकृत नवराज पुडासैनी, जिल्ला वनस्पति कार्यालयका प्रमुख नरहरी चापागाई, जिल्ला वन कार्यालयका सहायक वन अधिकृत उत्तम कटुवाल, जिल्ला भू–संरक्षण कार्यालयका शम्भु नेपाल, रामहरी चौलागाई लगायतकाले मन्तव्य व्यक्त गरेका थिए ।