ठूला सहरका विद्यालयहरू एक महिना बन्द गर्न मन्त्रालयको सिफारिस

१ बैशाख, हेटौंडा । स्वास्थ्य तथा जनसङ्ख्या मन्त्रालयले काठमाडौं उपत्यका सहित ठूला सहरका विद्यालयहरू कम्तिमा एक महिना बन्द गर्न सिफारिस गरेको छ । 
मन्त्रालयका सचिव लक्ष्मण अर्यालले उपत्यका सहित १५ वटा जिल्लाका ठूला सहरमा रहेका विद्यालय एक महिना बन्द गर्नका लागि सिसिएमसीमा प्रस्ताव गरेको जानकारी दिए । काठमाडौं उपत्यका सहित पोखरा, विराटनगर, वीरगन्ज सहित १५ वटा ठूला सहरमा सङ्क्रमण फैलन सक्ने भएकोले कम गर्न खोजिएको सचिव अर्यालले बताए ।
उनले विद्यालय सहित पार्टी प्लालेस, मन्दिर, सिनेमा हल, रात्रिकालीन व्यवसाय पनि बन्द गर्न सिफारिस गरिएको उहाँले बताउनुभयो । पछिल्लो समय कोरोना भारइसको नयाँ भेरियन्ट्स फैलिएको र यसबाट बालबालिका समेत उच्च जोखिममा रहेको पाइएपछि मन्त्रालयले विद्यालय बन्द गर्न सिफारिस गरेको हो । 
यसैबीच, स्वास्थ्य तथा जनसंख्या मन्त्री हृदयेश त्रिपाठीले नेपालमा कोरोना सङ्क्रमणको जोखिम भएता पनि बन्दाबन्दीको स्थिति आउन नदिने प्रयास भइरहेको बताएका छन् । एक वर्षको अनुभव, तयारी र पूर्वाधार भएकाले त्यसलाई प्रभावकारी बनाइ बन्दाबन्दी हुन नदिने प्रयत्न गर्ने मन्त्री त्रिपाठीले बताए ।