आइपिएलमा कोलकाताको दोस्रो जित

१४ बैशाख, हेटौंडा । इण्डियन प्रिमियिर लिग (आइपिएल) क्रिकेट अन्तरगत सोमबार राति भएको खेलमा कोलकाता नाइट राइडर्स विजयी भएको छ । अहमदाबादमा सोमबार राति पञ्जाब किङ्सलाई ५ विकेटले पराजित गर्दै कोलकाताले जारी सिजनमा दोस्रो जित निकालेको हो ।
पञ्जाबले दिएको १ सय २४ रनको लक्ष्य कोलकाताले १६ ओभर ४ बलमा ५ विकेट गुमाएर पूरा गर्‍यो। कोलकाताको जितमा कप्तान इयान मोर्गनले अविजित रहँदै ४७ रन जोडे। राहुल त्रिपाठीले ४१ रन तथा आन्द्रे रसेलले १० रन बनाए । पञ्जाबका मोहमद शामी, मोइसेस हेन्रिक्स, आर्शदिप सिंह र दिपक होडाले एकरएक विकेट लिए। यसअघि पहिले ब्याटिङ गरेको पञ्जाबले २० ओभरमा ९ विकेट गुमाएर १ सय २३ रन बनाएको थियो ।
पञ्जाबका मयांक अग्रवालले ३१ तथा क्रिस जोर्डनले ३० रन बनाए। लोकेश राहुल र निकोलस पुरणले समान १९र१९ तथा साहरुख खानले १३ रन बनाए । कोलकाताका प्रसिद्ध कृष्णले ३ तथा सुनिल नारिन र पाट कुमिन्सले २–२ विकेट लिए । यो जितसँगै कोलकता चार अंकका साथ तालिकाको पाचौँ स्थानमा उक्लेको छ। समान चार अंक रहेको पञ्जाब छैठौँ स्थानमा छ ।
आठ अंकका साथ पहिलो तीन स्थानमा चेन्नई, दिल्ली र बैंगलोरको टिम छ भने ६ अंक रहेको मुम्बई चौथो स्थानमा छ। राजस्थान सातौँ स्थानमा रहँदा हैदराबादको टिम अन्तिममा छ।