बागमती प्रदेशको आव ०७८/०७९ को बजेट ५७ अर्ब (पूर्ण पाठसहित)

१ असार, हेटौंडा । बागमती प्रदेश सरकारले आगामी आव ०७८/०७९ को बजेट ५७ अर्ब ७२ करोड ९ लाख २७ हजार रुपैंया बजेट विनियोजन गरेको छ । आर्थिक मामिला तथा योजना मन्त्री कैलाश ढुंगेलले मंगलबार संसदमा बजेट प्रस्तुत गर्दै यस्तो जानकारी दिएका हुन् ।

बजेट मध्ये चालु खर्चका लागि २६ अर्ब १ करोड ६६ लाख २३ हजार रुपैंया अर्थात ४५ प्रतिशत, पूँजिगततर्फ २९ अर्ब ७० करोड ४३ लाख ४ हजार रुपैंया अर्थात ५१ प्रतिशत र वित्तिय व्यवस्थापनतर्फ २ अर्ब अर्थात ४ प्रतिशत विनियोजन गरिएको छ ।

बजेट कार्यान्वयनका लागि कर राजस्वबाट २३ अर्ब ८२ करोड १८ लाख १८ हजार रुपैंया र अन्य राजस्वबाट ६ अर्ब ८२ करोड ३१ हजार रुपैंया तथा संघीय सरकार र वित्तिय हस्तान्तरणबाट प्राप्त हुने १६ अर्ब ९२ करोड ६८ लाख र विविध प्राप्त १ अर्ब ५ करोड ९ लाख ९६ हजार संकलन हुने अनुमान गरिएको छ । त्यस्तै चालु आर्थिक बर्षको राजस्व बचतबाट ९ अर्ब १० करोड प्राप्त हुने अनुमान गरिएको छ ।

बागमती प्रदेशले स्वास्थ्य, कृषि, पूर्वाधार र रोजगारीलाई प्राथमिकतामा राख्दै हेटौंडा–काठमाडौं सुरुङ मार्गका लागि ७५ करोड, मेट्रो रेल संचालन गर्ने, कोरोना विरुद्धको खोपका लागि २ अर्ब, स्वास्थ्य पूर्वाधार विकास लागि २ अर्ब ४२ करोड बजेट विनियोजना गरेको जनाएको छ ।

बागमती प्रदेशको आव ०७८/०७९ को बजेट पूर्ण पाठ