दिव्यतारा सहकारीद्वारा संचालित गोलभेडा प्रशोधन उधोगको सार्वजनिक लेखा परिक्षण सम्पन्न

१९ असार, हेटौंडा । दिव्यतारा वहुउद्देस्यीय सहकारी संस्था लिमिटेडले शनिवार हेटौंडा उपमहानगरपालिका वडा नम्बर–१२ मा संचालन गरेको गोलभेडा प्रशोधन उधोगको सर्वाजनिक लेखा परिक्षण कार्यक्रम सम्पन्न गरेको छ । 
संस्थाका उपाध्यक्ष गणेशबहादुर बल. लामाको अध्यक्षतामा भएको कार्यक्रममा वडा नम्बर १२ का वडा अध्यक्ष ललित बहादुर घलानको प्रमुख आतित्थ्यता रहेको थियो । कार्यक्रममा प्रमुख अतिथि घलानले दिव्यतारा बहुउद्देस्यी सहकारीले आफ्नो नाम अनुसारको काम गर्न लागेको भन्दै बधाई तथा शुभकामना दिए । वडा अध्यक्ष घलानले अधिकांस शहकारीहरुले वचत संकलन र ऋण प्रवाहलाई मात्रै ध्यान दिइरहेको बेला दिव्यताराले उत्पादन क्षेत्रमा समेत लगानी गरेको भन्दै खुशि व्यक्त गरे । उनेले दिव्यताराले सुरु गरेको उद्योगले सहकारीमा आवद्ध सदस्यरुलाई मात्र नभई उधोगसँग प्रत्यक्ष परोक्ष रुपमा जोडिने सबैलाई फाइदा पुग्ने विश्वास व्यक्त गरे ।
कार्यक्रममा सहकारीका व्यवस्थापक रमेश कोइरालाले ५० लाखको लागतमा गोलभेडा प्रशोधन उधोग स्थापना गरिएको जानकारी गराउँदै उधोग स्थापनाका लागी बागमती प्रदेश सरकारको भूमि ब्यवस्था, कृषि तथा सहकारी मन्त्रालय अन्तर्गत कृषि बिकास निर्देशनालयबाट ५० प्रतिशत अनुदान प्राप्त भएको जानकारी दिए । 
उधोगले स्थानिय किसानले उत्पादन गरेको गोलभेडा खरिद गरी प्रशोधन गरेर केचप उत्पादन गर्ने जानकारी गराउँदै व्यवस्थापक कोइरालाले यसबाट स्थानिय कृषक र उपभोक्ता प्रत्यक्ष लाभान्वित हुने बताए । 
सहकारीका सविच गणेश भेटवालले सहजिकरण गरेको कार्यक्रममा हेटौंडा उपमहानगरपालिका वडा नम्बर १ का वडा अध्यक्ष सविन न्यौपाने, नेपाली कांग्रेस कोभिड १९ अनुगमन समिति मकवानपुरका संयोजक उत्सव इटेनी, सहकारीका कोषाध्यक्ष इश्वर पण्डित, सहकारी संचलक समितिका सदस्य निलम देवकोटा, लेखा संयोजक प्रकाश खतिवडा लगाएत सहकारीका कर्मचारी एवं स्थानियहरुको उपस्थिति रहेको थियो ।