एमाले मधेश विरोधि होइनः एमाले नेता नेपाल

१४,भदौँ,हेटौँडा । नेकपा एमालेका वरिष्ठ नेता माधव कुमार नेपालले संविधान संसोधन हुन नदिएकै कारण एमाले मधेश बिरोधी भयो भनेर सक्ता पक्षिय दलहरुले कुप्रचार गरेको आरोप लगाउँनुभएको छ । राष्ट्रियताको पक्षमा निर्भिकताका साथ उभिने बताउँदै नेता नेपालले एमाले मधेश विरोधि भने नभएको दावी गर्नुभयो ।

अनेरास्ववीयु बनविज्ञान क्याम्पस इकाई कमीटीले बुधबार हेटौंडामा आयोजना गरेको विद्यार्थी स्वागत तथा सम्मान कार्यक्रमलाई सम्बोधन गर्दै नेता नेपालले एमाले मधेशमा समेत ठूलो पार्टीकै रुपमा स्थापित हुने दावी पनि गर्नुभयो । उहाँले स्थानीय तहको पहिलो र दोश्रो निर्वाचनमा एमालेलाई मत दिएर जनताले सही मुल्यांकन गरेको दावी गर्दै प्रदेश नम्बर २ मा पनि एमाले नै ठूलो पार्टी बन्ने ठोकुवा गर्नुभएयो । नेता नेपालले गणतन्त्र संस्थागत गर्न एमालेले खेलेको भूमिका र देशको विकासका लागी तयार पारेको योजना कारण जनताले एमालेलाई मत दिएको तर्क गर्नुभयो । कार्यक्रममा एमालेका केन्द्रिय सदस्य केदर न्यौपाने, बिरोध खतिवडा, एमाले मकवानपुरकी अध्यक्ष मूनु सिग्देल, हेटौँडा उपमहानगरपालिकाका मेयर हरिबहादुर महत, उपमेयर मिना लामा लगाएतको उपस्थिति रहेको थियो ।