शुक्रबार ३ टिम विजयी, एक खेल बराबर

File Photo

१६ भदौं, हेटौँडा । हेटौँडामा जारी जिल्ला लिग फुटवल प्रतियोगितामा विहिबार चार खेल भएका छन् । खेलमा ३ टिम विजयी भएका छन् भने एक खेल बराबरीमा टुंगिएको छ ।

पहिलो खेलमा चौघडा फुटवल टिमलाई ४–२ गोल अन्तरले पराजित गर्दै महाविर क्लव विजयी भएको छ । महाविरको तर्फबाट विशाल कार्कीले खेलको ३०, ३२, भेषकुमार मगरले ४१ र प्रताप थोकरले ५४ मिनेटमा गोल गरे भने चौघडाको तर्फबाट उज्वल ओझाले १५ र कृष्ण श्रेष्ठले ६२ मिनेटमा गोल गरे । 

दोस्रो खेलमा छिमेकी स्पोर्टस क्लवले पशुपति स्पोर्टस क्लवलाई ३–१ गोल अन्तरले पारजित ग¥यो । छिमेकीका प्रकाशमान राईले १३ र २०, आदेश लामाले २८ औं मिनेटमा गोल गरे भने पशुपतिका तर्फबाट रुपेश लामाले ८ औं मिनेटमा गोल गरे ।

तेस्रो खेलमा एफसी इन्टरनेट सिटि र बुद्धसामाजिक नमूना क्लवले १–१ गोलको बराबरी खेलेका छन् । इन्टरनेटबाट मनोज घलानले ४३ र बुद्ध सामाजिकको तर्फबाट राजकुमार लामाले खेलको दोस्रो मिनेटमा गोल गरेका थिए । अन्तिम खेलमा गोर्खा व्वाईजले र एफसी छतिवनलाई २–० गोल अन्तरले पराजित गरेको छ । गोर्खाको तर्फबाट सुमन मगरले खेलको ३२ र आशिष लामाले ५० औं मिनेटमा गोल गरे । 

प्रतियोगितामा शनिबार ३ खेल हुने प्रचारप्रसार संयोजक विमल श्रेष्ठ टोनीले जानकारी दिए ।