पल्सर स्पोर्ट्स अवार्डको मनोनयन सार्वजनिक 

१८ भदौं, हेटौँडा । १४औं संस्करणको पल्सर स्पोर्ट्स अवार्डमा मनोनयनमा परेका खेलाडीहरुको नाम आइतबार सार्वजनिक गरिएको छ । नेपाल खेलकुद पत्रकार मञ्चले प्रदान गर्दै आएको अवार्डका लागी मनोनयनमा परेका खेलाडीहरुको नाम सार्वजनिक गरिएको हो । सर्वाजनिक गरिएका नामहरुमा पुरुष तर्फका उत्कृष्ट खेलाडीको मनोनयनमा राष्ट्रिय फुटबल टोलीका गोलरक्षक किरण चेम्जोङ र क्रिकेटका अलराउण्डर शरद भेषावकर परेका छन् भने ब्याड्मिन्टनका रत्नजीत तामाङ, भलिबलका मानबहादुर श्रेष्ठ र एथ्लेटिक्सका सोमबहादुर कुमाल रहेका छन् । यस्तै महिलातर्फको मनोनयनमा फुटबलकी सावित्री भण्डारी, एथ्लेटिक्सकी कान्छिमाया कोजु, आर्चरीकी ज्ञानु अवाले, एथ्लेटिक्सकी सरस्वती भट्टराई र ब्याड्मिन्टनकी नक्शलादेवी तामाङ परेका छन् । 
वर्षका उत्कृष्ट युवा खेलाडीको मनोनयनमा फुटबलका अनन्त तामाङ, भलिबलकी प्रतिभा माली, भारत्तोलनकी प्रतिभा माली, जुडोकी मनिता श्रेष्ठ प्रधान र क्रिकेटका दीपेन्द्रसिंह ऐरी परेका छन् । पिपुल्स च्वाइस अवार्डको मनोनयनमा पुरुष तर्फ क्रिकेटका दीपेन्द्रसिंह ऐरी परेका छन् भने महिला तर्फ एथ्लेटिक्सकी कान्छिमाया कोजु परेकिछिन । यस्तै उत्कृष्ट प्रशिक्षकको मनोनयनमा फुटबलका मेघराज केसी, ब्याडमिन्टनका किरण थापा, क्रिकेटका जगत टमाटा, फुटबलका ग्योतोकु कोजी र एथ्लेटिक्सका पुष्पराज ओझा छन् ।
वर्षको उत्कृष्ट पुरूष, महिला र प्रशिक्षकले पुरस्कारस्वरूप पल्सर मोटरसाइकल पुरस्कार पाउनेछन् भने उत्कृष्ठ युवा खेलाडीले ५० हजार पुरस्कार पाउनेछन् । अवार्ड कार्यक्रम भदौ २६ गते प्रज्ञा प्रतिष्ठानमा आयोजना हुनेछ ।