ग्रीस विरुद्ध जित निकाल्दै बेल्जियम विश्वकपका लागि छनोट

१९ भदौं, हेटौँडा । विश्वकप फुटबल २०१८ को युरोपियन क्षेत्रको छनौट अन्तर्गत ग्रीसलाई हराउँदै बेल्जियम रुसमा हुने विश्वकप फुटबलका लागि छनोट भएको छ । आइतबार राति भएको खेलमा ग्रीसलाई २–१ ले हराउँदै बेल्जियम विश्वकपमा छानिएको हो ।
बेल्जियम युरोपियन क्षेत्रबाट विश्वकपमा छाननिने आयोजक रुसपछिको पहिलो युरोपियन टोली बनेको छ । खेलमा बेल्जियमलाई विजयी गराउन यान भर्टोङ्गन र रोमेलु लुकाकुले १÷१ गोल गरे । ग्रीसका लागि भने गोन्काल्भेस रोड्रिग्वेजले एक सान्त्वना गोल गरे । 
युरोपेली समुह एच मा दुई खेल खेल्न बाँकी छँदै बेल्जियमले विश्वकपमा स्थान सुरक्षित गरेको हो । ८ खेलबाट बेल्जीयमको २२ अंक भएको छ भने दोस्रो स्थानको बोस्निया हर्जगोभिनाको १४ अंक मात्रै छ । 
विश्वकप छनोटअन्तर्गत आइतबार राति भएका अन्य खेलहरुमा स्विडेनले बेलारुसलाई ४–० ले हराउँदा नेदरल्याण्ड्सले बुल्गेरीयालाई ३–१ ले तथा पोर्चुगलले हंगेरीलाई १–० ले हराएका छन् । यस्तै स्विट्जरल्याण्ड लात्भिया विरुद्ध ३–० ले विजयी भयो भने क्रोएशियाले कोसोभोमाथि १–० को जित दर्ता ग¥यो । युरोपियन क्षेत्रकै समूह ‘ए’ मा रहेको फ्रान्स लग्जेम्बर्गसँग गोलरहित बराबरीमा रोकियो ।