दुरसञ्चार उपकरण लुटिएको भन्दै फिर्ता गर्न उजुरी

४ भदौ, हेटौंडा । इन्टरनेट सेवाप्रदायक संघ नेपाल (आईस्पान) ले चितवनको भरतपुरमा नेपाल बिद्युत प्राधिकरणका कर्मचारीले दुरसञ्चार उपकरण लुटेको भन्दै गर्दै फिर्ता गर्न बिद्युत प्राधिकरण दरबारमार्ग काठमाडौँमा उजुरी दर्ता गरेको छ ।
आईस्पानले यसबारे नेपाल दूरसञ्चार प्राधिकरण,गृह मन्त्रालय, भरतपुर बिद्युत प्राधिकरण, जिल्ला प्रशासन कार्यालय भरतपुर, सूचना तथा सञ्चार प्रविधि मन्त्रालयमा समेत जानकारी दिएको छ ।
भरतपुर बिद्युत प्राधिकरणका कर्मचारीले दूरसञ्चार उपकरण ४ दिनसम्म फिर्ता नगर्दा इन्टरनेट सेवा 
प्रदायकहरुका कर्मचारीहरुले इन्टरनेट समयमा मर्मत गर्न नपाएको जनाइएको छ । 
आमउपभोक्ताहरुले इन्टरनेट प्रयोग गर्न नपाएर अनलाइन शिक्षा, बैंकिङ कारोबार गर्नबाट बन्चित हुन पुगेको आईस्पानले जनाएको छ ।
यसले गर्दा कोभिड-१९ मा डिजीटल शीक्षा, स्वास्थ्य लगायतक संबेदनशील क्षेत्र र सिङ्गो अर्थतन्त्रलाई चलायमान राखिरहेको अति आवश्यक इन्टरनेट सेवालाई अवरोध पर्ने गरि दुरसञ्चार उपकरण फिर्ता नगर्दा भरतपुरका आमउपभोक्ताहरुले इन्टरनेट सेवाबाट बन्चित भएको गुनासो गरिरहेको आईस्पानले जनाएको छ ।
नागरिकका लागि गाँस, बास, कपास र  इन्टरनेट आधारभूत आवश्यकता भइसकेकोको अवस्थामा प्राधिकरणको यस्तो कार्यले सेवाग्राही समस्यामा परेकोमा आईस्पानले जनाएको छ । 
अति आवश्यक सेवामा परेको इन्टरनेट सेवाको तार काट्दा वा दूरसञ्चार उपकरणमा हानी नोक्सानी गरेमा वा त्यस्तो काम गर्न उद्योग गरेमा कसुरको मात्रा हेरी त्यस्तो व्यक्तिलाई हानी नोक्सानीको बिगो बमोजिम जरिवाना वा पाँच वर्षसम्म कैद वा दुवै सजाय हुन सक्ने जनाइएको छ ।