राजदेवीको साधरणसभा सम्मान,चौघडा चोकमा कुर्सी राखियो

१९ भदौं,हेटौंडा। हेटौडा–१७ राजदेवीमा रहेको राजेदेवी बचत तथा ऋण सहकारी संस्थाले वृद्धवृद्धा,असली कारोवार र असल बचतकर्ता सदस्यहरुलाई सम्मान र पुरस्कृत गरेको छ । 

सहकारीको १६ औं बार्षिक उत्सवको अवसरमा शनिवार ज्येष्ठ शेयर सदस्य भोपाल बहादुर कार्की र टंक प्रसाद घिमिरेलाई दोसल्ला ओढाएर सम्मान गरिएको हो । त्यसैगरि संस्थाले असली कारोवारी तर्फ सरस्वती कर्माचार्य,सन्त कुमारी अधिकारी डम्वर कुमारी दाहाल र बाल बचत तर्फ ग्रिस्मा नेपाल र संस्कृति धमलालाई पुरस्कृत गरिएको संस्थाका सचिव श्याम लाल श्रेष्ठले बताएका छन। 

हेटौडा–१७ का वडा सदस्य भीम प्रसाद अधिकारकिो प्रमुख आतिथ्यता एवम सहकारीका अध्यक्ष मधुसुदन न्यौपानेको सभाध्यक्षतामा सम्पन्न कार्यक्रममा संस्थाका उपाध्यक्ष राम प्रसाद भट्ट, सल्लाहकाुर बद्री प्रसाद भण्डारी लगाायतकाले मन्तव्य व्यक्त गरेका थिए । २०६२ सालमा स्थापित यो सहकारी संस्थामा हाल करिव ६ सय बचतकर्ता रहेका छन भने करिब ६ करोडको कारोवार गरिरहेको व्यवस्थापक हेम बहादुर कुवारले बताए ।   

आमाको सम्झनामा कँडेलद्वारा सिमेन्टको कुर्सी प्रदान

हेटौडा–१७ चुच्चेखोला निवासी अमित कडेलले २ थान सिमेन्टको कुर्सी प्रदान गर्नु भएको छ ।  कँडेलले हेटौडा–६ नम्बर वडा कार्यालयको समन्वयमा  हेटौडा–६ चौघडाको सार्वजनिक स्थानमा राख्न सिमेन्टको कुर्सी सहयोग गरेका हुन।बटुवा तथा सवारीसाधन कुरेर बसेका यात्रुलाई सहज होस प्रदान गर्ने उद्धेश्यले कुर्सी राखेको कँडेलले बताए।