चिसापानी सहकारीको १२ औं वार्षिक साधारणसभा सम्पन्न

२३ असोज, हेटौडा । हेटौडा-१६ चिसापानीमा रहेको चिसापानी बचत तथा ऋण सहकारी संस्थाको १२ औं वार्षिक साधारणसभा शनिवार सम्पन्न भएको छ ।
साधारणसभामा संस्थाका अध्यक्ष कृष्ण प्रसाद सापकोटाले संस्थागत प्रतिवेदन, कोषाध्यक्ष प्रलाद घिमिरेले आर्थिक प्रतिवेदन, लेखा सुपरिवेक्षण समितिका संयोजक जयराम भण्डारीले लेखा समितिको प्रतिवेदन र ऋण उपसमितिका संयोजक श्रीकृष्ण आचार्यले ऋण समितिको प्रतिवेदन पेश गरेका थिए ।
कार्यक्रममा ज्येष्ठ सदस्य गोपि प्रसाद पुडासैनी, असली बचतकर्ता मिठु कुमारी फुयाल, दैनिक बचतमा सिताराम अधिकारी, असली कारोवारीमा पुष्पराज हटवाल र रिता आचार्यलाई पुरस्कृत गरिएको थियो । यसैगरि उत्कृष्ट विद्यार्थीमा कुसुम अधिकारी, अकिन्चन सापकोटा, सृष्टि चौलागाँई र सुजला कार्कीलाई समेत पुरस्कृत गरिएको थियो ।
सहकारीका अध्यक्ष कृष्ण प्रसाद सापकोटाको सभाध्यक्षतामा भएको साधारणसभामा हेटौडा–१७ का वडा अध्यक्ष भैरब बहादुर राई महामती बचत तथा ऋण सहकारीका अध्यक्ष मोहन प्रसाद बस्ताकोटी, सहकर्मी बचत तथा ऋण सहकारीका सचिव विष्णुमान श्रेष्ठ, संस्थाका सचिव महेश जना शेयर सदस्यहरु रहेको संस्थाले आव ०७७/०७८ मा करिव ११ करोडको कारोवार गर्न सफल भएको व्यवस्थापक मोहन थापाले बताए ।