नेपालमा कोरोनाका सक्रिय संक्रमितको संख्या १३ हजारमा झर्‍याे

google

२८ असोज, हेटौंडा । स्वास्थ्य तथा जनसंख्या मन्त्रालयका अनुसार नेपालमा पछिल्लो समय कोरोना भाइरसका संक्रिय संक्रमितको संख्या १३ हजारमा झरेको छ ।
बिहीबार कोरोना भाइरसका ८ सय ४ जना संक्रमित निको भएसँगै नेपालमा कोरोनाका सक्रिय संक्रमितको संख्या १३ हजार ८ सय ५३ जनामा झरेको छ । योसँगै नेपालमा अहिलेसम्म नेपालमा कोरोना संक्रमणमुक्त हुनेको कुल संख्या ७ लाख ७९ हजार १ सय ५४ पुगेको छ ।
यसैगरी विहीबार नेपालमा कोरोना भाइरसका ४ सय ५५ जना नयाँ सक्रमित थपिएका छन् । ६ हजार २ सय १४ जनामा कोरोना परीक्षण गर्दा ४ सय ५५ जनामा संक्रमण पाइएको हो । बिहीबार थपिएकासहित अहिलेसम्म कोरोना पुष्टि हुनेको कुल संख्या ८ लाख ९७ हजार ५ सय ८९ पुगेको छ । 
यस्तै विहीबार ८ जना कोरोना संक्रमितको मृत्यु भएसँगै नेपालमा अहिलेसम्म कोरोनाका कारण ज्यान गुमाउनेको सं ११ हजार २ सय ६९ पुगेको छ । यसैगरी स्वास्थ्य मन्त्रालयका अनुसार नेपालमा पछिल्लो २४ घण्टामा ४ हजार ७ सय ८४ जनाले कोरोना भाइरसविरुद्धको खोप लगाएका छन् । 
अहिलेसम्म नेपालमा ८३ लाख ८८ हजार चार सय दुई जनाले पहिलो मात्रा र ६४ लाख ६९ हजार एक सय ५९ जनाले पूर्ण मात्रा खोप लगाएको स्वास्थ्य मन्त्रालयले जनाएको छ ।