राजदेवी सहकारीको १६औ साधारणसभा सम्पन्न

६ कार्तिक, हेटौडा ।हेटौडा–१७ राजदेवीमा रहेको राजदेवी बचत तथा ऋण सहकारी संस्थाको १६ औं वार्षिक साधारणसभा सम्पन्न भएको छ ।  

हेटौडा–१७ का वडा अध्यक्ष भैरब बहादुर राईको प्रमुख आतिथ्यता एवम सहकारीका अध्यक्ष मधुसुदन न्यौपानेको अध्यक्षतामा साधारणसभा शनिबार सम्पन्न भएको हो।

संस्थाका अध्यक्ष मधुसुदन न्यौपानेले संस्थागत प्रतिवेदन, कोषाध्यक्ष कृष्ण प्रसाद पराजुलीले आर्थिक प्रतिवेदन, ऋण उपसमितिका संयोजक राम प्रसाद भट्टले ऋण समितिको प्रतिवेदन र लेखा सुपरिवेक्षण समितिका संयोजक रमेश कुमार पराजुलीले लेखा समितिको प्रतिवेदन पेश गरेका थिए।संस्थाका संस्थापक अध्यक्ष दिव्यराज धमलाले आफ्नी स्वगीय आमा नरमाया धमलाको स्मृतिमा स्थापना गरेको अक्षय कोषबाट प्राप्त भएको रकमबाट  राजदेवी माविमा कक्षा ८ मा अध्ययनरत छात्रा शान्ता खड्कालाई छात्रवृत्ति प्रदान गरेका थिए।साधारणसभामा सखित्व सहकारीका अध्यक्ष बालकृष्ण घिमिरे, राजदेवी दुग्ध उत्पादक सहकारीका अध्यक्ष राम प्रसाद तिमल्सिना,संस्थाका सल्लाहकार कृष्ण प्रसाद नेपाल, कुमारमणी दहाल,राजदेवी माविका प्रधानाध्यापक सानुकाजी पाण्डे, संचाकरर्मी भीमसेन पौडेल,नमूना प्रगति सहकारीका व्यवस्थापक बद्री भण्डारी, संस्थाका सचिव श्यामलाला श्रेष्ठ लगायतले मन्तव्य व्यक्त गरेका थिए ।संस्थामा हाल ५ सय ८६ जना शेयर सदस्यहरु आवद्ध रहेका छन